ქასრულენქო იეჰოვაშ ნებას?

მადლობას გირაგადუთ, ნამდა დრო გიმორთი დო თე ბროშურათ გეჩინებაფე იეჰოვაშ მოწმეეფი; თე ბროშურაშე სი თინა ხოლო გიჩქუ, მუს ვორთუთ დო მუჭო ფუნქციონირენს ჩქინ ორგანიზაცია. იმენდ რე, თე ბროშურაქ ქუგოძირუ, ნამდა ამდღა იეჰოვაშ ნებას ჩქი ვასრულენთ. ელაიჩანთ, ხოლო უმოს ქიგეგე ღორონთიშ გურშენ, გაჩინებაფუე თინა სქან ოჯახიშ წევრეფს დო მეგობრეფს, დო რეგულარულო გილართე ჩქინწკუმა ართო ქრისტიანულ კრებაშ შეხვალამეფშა (ებრაელები 10:23—25).

მუთ უმოს ხოლოს იჸუაფუქ იეჰოვაწკუმა, თით უმოს უჯგუშო ქოძირუნქ, მუ მანგარო უჸორქ თის. თეშ უკულ სი ხოლო გოკოდას იჸი თიშ ჸოროფას ჸოროფათ ქუპასუხე (1 იოანე 4:8—10, 19). მუჭო შეილებ სქან ცხოვრებათ ქაძირუე, ნამდა მართალო გიჸორს იეჰოვა? მუშენ რე კინ სქანო ჯგირ ღორონთიშ ზნეობრივ ნორმეფით ცხოვრება? მუ მიგეხვარებ სი ხოლო შეასრულე ღორონთიშ ნება? მით ბიბლიას გოგურუანსი თინა ხიოლით მიგეხვარებ თე კითხვეფიშ პასუხი ქიგეგე. თეგვარო სი დო სქან ოჯახიშ წევრეფს შეილებდან იჸი „ქუდოსკიდათ ღორონთიშ ჸოროფას . . . დო გონებას გიღუდან მარადიულ სიცოცხლე“ (იუდა 21).

შურ დო გურით ელაიჩანთ, თე წიგნიშ მოხვარათ უმოს ტომბაშე ქიდიგურუე ბიბლია.