Mwiri onipacerya okhuma ifilori, sihinatthi miri sikina

Mwiri oniihaniwa amentowa, oniirela mpantta itiipu 30 sa miri siniromoliwa mbiibiliyani. Mwiri ola, oniirela mpantta miri sinaakuva okhuma ifilori wisarayeli ehinatthi omala eyiita. Ohinatthi omala mweeri wa Janeiro, atthu anikhala mapuro awo anniweha ifilori sooreera sa ekoore roosa ni yootteela sa mwiri owo. Nttaava na eheeperi, nsina na mwiri ola nintaphulela “mwiri onaakuva ovenya.” Niireke mwiri ola, onniniixuttiha etthu voohimya sa Muluku yoowo opattunxe?

Enoota eri Yeremiya 7:25, ennooniherya wiira Yehova onnivenya voosiisu. Erevista Owehaweha ya 15 a Março ya 2011, enihimya so: “Ntoko siisaale mwiri wa amentowa onaakuva awe ovenya, mwa nthoonyeryo Yehova onnivenya voosiisu . . . wiira aasuwelihe atthu awe mixankiho sinikhumelela mwaha wa ohiiwelela. . . . Nave khaarowa ophumurya, eyo piiyo, aarowa oweha-wehaka, mpakha wiiraneya itthu sootheene oleihenrye awe.” — Yer. 1:11,12.

Ifilori sootteela sa mwiri wa amentowa, Biibiliya onnilikanyiha ni ikharari sootteela sa atthu oowuuluvala. (Mus. 12:5) Nave okathi Besaleli aapanke awe mithuko para orumeeliwa mutabernaakulu, owo aahipaka ikaalisi saaheliwa ooleyo, seiyo saalikana ni ifilori sa amentowa. — Okhu. 37:17-20.