Mulokiheryeke ikomentaario soolipiha

Okathi wa mithukumano sahu sa mmulokoni, ootheene ahu nookhalana eparakha ya waalipiha anna ni arokora vaavo ninkomentari ahu. (Ahep. 10:​24, 25) Ninrowa olokiherya sai ikomentaario sikhanle oowaalipiha atthu akina?

• Munvekeleke Yehova. Munvekeleke wiira ookhaliheryeni ovaha ikomentaario sininvuwiha ni sinaalipiha atthu akina.— Esal. 35:18.

• Mulokiheryeke wiira mwakomentariki ni moolumo anyu ohiya osoma. Vaavo munrowa anyu waakhulaka ni moolumo anyu ohiya osoma, atthu akina anoottottela mureerelo ni olipa vaavo anrowa aya owiiwakani mulavulaka moolumo anooniherya omwaamini wanyu Yehova.

• Nvaheke ikomentaario sookhuveya. Okhala wene, ikomentaario sookhuveya sinnaalipiha ni sinnaakhaliherya atthu akina okomentari okathi wa mithukumano. — Mir. 10:19.

• Ekomentaario anyu ekhaleke yoolipiha. Musyakeke ikomentaario sinikhala ntoko wiira munivaha miruku aahiiso waaphukela anna ni arokora.

Nyuwo munimwaalipiha atthu akina, hata muhithanliwe wiira mukomentari. Nwiriyaneke ni ephoole ni mwaattottopeleke ale awenrye okomentari. — Mir. 10:21.