Mahiku a Mesiya ni atthareli awe

Myaha sinilavuliwa mpantta ola, siiraneyale eriyari ya etthu yoowiiraka iyaakha 100. Ikapiitulu soopacerya, noothokorerya yoowiiraneya ya Maria, mwali oowiiyeviha a nloko na Yuda, yoowo aavahiwe iparakha suulupale ni Yehova ohitonko awe onvaha pinaatamu oottheka. Ekapiitulu yookiserya, ennimulavula murummwa Yohani, yoowo oophentiwa. Mpantta ola, nnooweha matakiheryo a atthu oolipa murima ntoko Yohani Mpatisa, murummwa Pedru, Maria Madalena, Siteefano ni murummwa Paulo. Atthu awo, saahaaphwanya mixankiho sinceene. Mwa ntakiheryo, yaahilaleya wiira Yesu aari Mesiya, nnaamwi atthu anceene yaamukhootta. Yaahitthara ntakiheryo na Yesu, okathi yaalupatthiwa aya. Nave yaahilaleya ihapari sooreera nnaamwi yaalupatthiwa ni onyokhiwa.