Te pol imparar tanto dei nostri vìdei

Noantri ne piase tanto i vìdei del jw.org parché i ne insegna tante robe e i ne giuta a esser pi amighi de Geovà. Tanti i varda questi vìdei nela so adorassion in fameia o nel so stùdio personal. Vedemo un per de idee de come te pol doperar ben i vìdei.

Fermalo par pensarghe sora. No ocore che te vardi el vìdeo del scomìnsio al fin sensa fermarlo. Te pol fermarlo par pensar sora punti importanti o versìcoli dela Bìblia. Te pol domandarte: ‘Come che posso meter in pràtica questo nela me vita? Come posso doperarlo par giutar altri?’ Se te vardi el vìdeo con altre persone, valtri podé discorer sora queste domande insieme.

Fà anotassion. Scrivi do robe che te vol ricordarte, come testi, punti importanti, o come te vol meter in pràtica la informassion. Cossita, sarà pi fàcile pensar sora quel che te ghè imparà del vìdeo.

Vardalo nantra volta. L’è bon vardar el vìdeo de pi de una volta. Cada volta che te lo vedi, te sarè bon de nicorderte de una roba che no te gavei visto prima o ricordarte de qualcossa che te te gavei desmentegà.