Come capir le ilustrassion dela Bìblia?

Ghen’è una mùcia de ilustrassion nela Bìblia. Ma tanti che i la lede i cata fadiga de capirle. (Mat. 13:13) Cossa che pol giutarte a capir le ilustrassion dela Bìblia dela maniera giusta? Proa far cossita:

• Cata fora la idea prinsipal e la comparassion. Tute le ilustrassion le ga una idea prinsipal e una comparassion. Par esémpio, Gesù el dise in Apocalisse 3:3 che lu el vien come un ladro. Alora, la idea prinsipal la ze che Gesù el vien, e la comparassion la ze intrà lu e un ladro.

• Proa capir cossa che ghen’è de compagno intrà la idea prinsipal e la comparassion. Pensaghe sora parché che se fà una comparassion intrà le due robe e cossa che una la ga de compagno a quel’altra.

• Sìpia sicuro che te la ghè capio dela maniera giusta. Dele volte, se pol capir mal la comparassion. Nela ilustrassion che ghemo parlà prima, Gesù no’l vien par ciavar qualcossa. Invesse, quando la ilustrassion la dise che Gesù el vien come un ladro, la vol dir che lu el vien sensa avisar e nte una ora che no spetemo mia.