MUOMAPHIYỌ IRUO AGHWOGHWO NA | JẸ AGHỌGHỌ WẸN BUNPHIYỌ VWẸ IRUO AGHWOGHWO NA
Chọn Ihwo Wo Yono Baibol Uko Vwo Kpo Uyono
Uyono ẹra ọyen ẹbẹre ọvo rọ pha ghanghanre vwẹ ẹga ro fiotọ ra vwọ kẹ Jihova. (Une 22:22) Avwanre mrẹ aghọghọ vẹ ebruphiyọ siẹrẹ avwanre de siomakoko ga Jihova. (Une 65:4) Uyono ẹra ọkieje nẹrhẹ ihwo re yono Baibol na yanphiaro ghwraghwraghwra.
Mavọ yen wọ sa vwọ vwẹ ukẹcha vwọ kẹ ihwo ru wo yono vwo kpo uyono? Vwẹ ọkieje vwo durhie ayen. Dje ividio rẹ Die Yen E Ruẹ Vwevunrẹ Ọguan Ruvie? vwọ kẹ ayen. Vuẹ ayen erere ra mrẹ vwẹ uyono na. (lff uyono 10) Wo se dje ẹkpo obo wo yonori vwẹ omẹvwa na kẹ ayen yẹrẹ vuẹ ayen obo re che yono vwẹ uyono rọ cha na. Vwẹ ẹbe re che vwo ru uyono na vwọ kẹ ohwo ru wẹ vẹ ọyen gbe yono Baibol na, je vwẹ ukẹcha rẹ ayen guọnọre vwọ kẹ ayen. Ọkiọvo ayen guọnọ igho rẹ ayen vwọ fan oma kpo uyono. Wọ cha mrẹ erere ro che nẹ ẹgbaẹdavwọn wẹn rhe siẹrẹ ihwo ru wọ vwẹ Baibol yono de kpo uyono obọrẹsosuọ.—1 Kọr. 14:24, 25.
NI IVIDIO NA CHỌN IHWO WO YONO BAIBOL UKO VWO KPO UYONO, RERE WỌ KPAHENPHIYỌ ENỌ NANA:
Uphẹn vọ yen rhiephiyọ vwọ kẹ Neeta ro vwo durhie Jade vwo kpo uyono?
Diesorọ oma vwọ vwerhen avwanre ọke rẹ ohwo avwanre vẹ ọyen gbe yono Baibol de kpo uyono?
“Ọghẹnẹ ghine hẹ ohri rẹ ovwan”
Die yen Jade rhiẹromrẹ ọke ro vwo tu kpo uyono?