Ọtonphiyọ
Wo rhẹro rẹ ọke wọ vwọ dia akpọ rẹ ofovwin kanre? Ihwo buebun niro nẹ ọ cha sa phiaa. Baibol na ta ota kpahen oboresorọ ẹgbaẹdavwọn rẹ ihworakpọ vwo phioba phiyọ ofovwin vwo shefia. Ọ je ta ota kpahen obo ro se vwo muwẹro nẹ ufuoma cha dia akpọ na eje kẹrẹkpẹ.
Vwẹ imagazini nana, ota na “ofovwinʺ mudiaphiyọ ẹko rẹ ihwo yẹrẹ ẹkuotọ sansan re vwẹ ihwunu vẹ erọnvwọn efa tiọyena vwọ họnra omoma rayen fikirẹ oseghe rẹ usuon. E wene edẹ rẹ ihwo evo.