Egbada-ẹdjẹ rẹ Oghẹresan re Che Vwo Ghwoghwo Uvie rẹ Ọghẹnẹ Vwẹ November

Jesu ghwoghwo “ikun esiri rẹ uvie rẹ Ọghẹnẹ.” (Luk 4:43) O ji yono ihwo nẹ ayen nẹrhovwo nẹ Uvie na rhe. (Mat. 6:9, 10) Vwẹ November, e che ghwoghwo Uvie rẹ Ọghẹnẹ vwẹ idjerhe rẹ oghẹresan. (Mat. 24:14) Rhuẹrẹ ọke wẹn phiyọ wo se vwo vwobọ vwẹ egbada-ẹdjẹ nana vọnvọn. Ihwo re guọnọ dia ekobaro ubrọke se ru inọke 30 yẹrẹ 50 vwẹ emeranvwe nana.

Se ẹkpo ri Baibol ọvo ro shekpahen Uvie na vwọ kẹ kohwo kohwo rọhẹ ekogho ovwan de ghwoghwo. Wọ cha vwọ sane ẹkpo ri Baibol nana, roro kpahen ẹga rẹ ihwo na ra. Ohwo de dje omavwerhovwẹn phia vwẹ obọ rẹsosuọ wọ vwọ mrẹ, gba vwẹ Uwevwin Orhẹrẹ Ukeri 2 2020 vwọ kẹ. Wo rhivwin brora kpakpata, je davwẹngba wọ vwẹ ọbe ọvo rọhẹ Ekpeti rẹ Uyono na vwọ ton uyono ri Baibol phiyọ. O rhe che kri-i, Uvie rẹ Ọghẹnẹ kọ cha ghwọrọ usuon rẹ ihworakpọ na eje vwo no. (Dan. 2:44; 1 Kọr. 15:24, 25) Ọtiọyena, e jẹ e vwobọ vwẹ uphẹn rẹ oghẹresan nana, ra vwọ ka ẹbẹre ri Jihova vẹ Uvie rọyen!