Asan rẹ Ifoto Nurhe: Aruọbe 3: Kokkinakis v. Greece: Droit réservé
Wo de no vwo nẹ obohwẹre rẹ obenu rhe: West Virginia State Board of Education v. Barnette; Kokkinakis v. Greece; Taganrog LRO vẹ ihwo efa v. Russia; Cha vẹ ihwo efa v. South Korea
AKPEYEREN RẸ INENIKRISTI
“Ochọ Ẹchọ Kugbe Orugan rẹ Iyẹnrẹ Esiri Na”
Ọke rẹ ihwo re vwọsua vwọ davwẹngba vwọ nẹrhẹ ihwo rẹ Izrẹl dobọ rẹ ebanbọn rẹ uwevwin rẹ ẹga na ji, ewiowian na de ru obo ri fori rere ayen vwo vwo uturhi rẹ ayen vwo ruiruo na kpobarophiyọ. (Ẹzr 5:11-16) Vwẹ idjerhe vuọvo na, Inenikristi je chochọn rẹ iyẹnrẹn esiri na vwo nene urhi nonẹna. (Fil 1:7) A sa vwọ nabọ ruo, a da vwẹ Akon rẹ Iruo rọ Vwẹrote Eta ri Shekpahen Urhi vwo mu vwẹ Esiri Ukoko vwẹ 1936. Nonẹna, Akon rẹ Iruo rọ Vwẹrote Eta ri Shekpahen Urhi vwẹ Esiri Ukoko yen vwẹrote ọrhuẹrẹphiyotọ ra vwọ chochọn rẹ edavwẹ rẹ Uvie na vwẹ akpọneje. Idjerhe vọ yen obicha rẹ akon rẹ iruo nana vwo fierere kẹ ihwo rẹ Ọghẹnẹ re?
NI IVIDIO NA A KỌN BRU INIỌVO REHẸ AKON RẸ IRUO RỌ VWẸROTE ETA RI SHEKPAHEN URHI RA VWẸ ESIRI UKOKO, RERE WỌ KPAHENPHIYỌ ENỌ NANA:
Ebẹnbẹn vọ vwẹ eta ri shekpahen urhi yen Iseri ri Jihova hirharoku re?
Ophikparobọ vọ yen avwanre mrẹ re? Djudje ọvo
Die yen ohwo ọvuọvo se ru vwọ ‘chochọn je reyọ iyẹnrẹn esiri na vwo mu vwo nene urhi?’
Tivọ vwevunrẹ wẹbsaiti rẹ avwanre yen a da sa mrẹ eta rẹ urhi ri shekpahen ihwo rẹ Ọghẹnẹ kugbe edẹ rẹ ihwo re mu phiyọ uwodi fikirẹ esegbuyota rayen?