Ru Ona Rẹ Aghwoghwo Wẹn Yovwin Phiyọ​—Yono Ihwo rẹ Wọ Vwẹ Baibol Yono Obo re Muegbe

OBORESORỌ Ọ VWỌ GHANRE: Ihwo rẹ avwanre yono Baibol na se vwo ẹruọ, je karophiyọ obo re yono ayen na siẹrẹ ayen de muegbe. Ayen vwo vwo ẹruọ, je karophiyọ ye, ẹyan obaro rayen kọ je cha phẹre. Ayen da tobọ bromaphiyame nu, o ji fo nẹ ayen muegbe vwọ kẹ emẹvwa vẹ aghwoghwo na rere ayen sa vwọ “rhẹrẹ.” (Mat. 25:13) Ọtiọyena, ra vwọ riẹn obo re muegbe vẹ e vwo vwo ẹkuruemu re vwo yono ọkieje che fi erere kẹ ayen vwẹ akpeyeren rayen eje. Ghwe vwo nẹ ọtonphiyọ rhe, avwanre vwẹ ukẹcha kẹ ihwo rẹ avwanre yono Baibol na vwo vwo uruemu re vwo muegbe hẹrhẹ uyono rẹ Baibol rayen.

OBO RE CHE RUO WAN:

• 

  Vwẹ oma vwo ru uvi rẹ udje. (Rom 2:21) Nabọ muegbe rẹ uyono ọvuọvo vẹ ohwo rẹ wo yono na vwẹ ẹwẹn. (km 11/15 3) Jẹ ọ mrẹ nẹ wọ jokaphiyọ yẹrẹ gbere ẹkpahọnphiyọ na vwẹ ẹbe wẹn

• 

  Jiro vwọ kẹ nẹ o muegbe. Siẹrẹ uyono na da tonphiyọ nu, gbe jẹ ọ riẹn nẹ egbemuo ọyen ẹbẹre ọvo rẹ uyono na, wọ me je vuẹ erere re herọ. Vwẹ iroroẹjẹ evo vwọ kẹ kpahen obo rọ sa vwọ mrẹ ọke vwo muegbe. Iniọvo evo vwẹ ọbe rayen rẹ ayen jokaphiyọ yẹrẹ gbereri vwọ kẹ ohwo rẹ ayen yono na vwẹ ọke rẹ uyono na, ọnana kọ nẹrhẹ ọ mrẹ erere rọ herọ siẹrẹ e de muegbe phiyotọ. Jiro siẹrẹ o de muegbe

• Dje obo re muegbe kẹ. Ghwe vwo nẹ ọtonphiyọ rhe, iniọvo evo reyọ ọke rẹ uyono na ejobi vwo ru udje rẹ obo re se vwo muegbe vwọ kẹ ohwo rẹ ayen yono na