MUOMAPHIYỌ IRUO AGHWOGHWO NA | JẸ AGHỌGHỌ WẸN BUNPHIYỌ VWẸ IRUO AGHWOGHWO NA
Yono Ihwo ra Vwẹ Baibol Yono Obo re ru Uyono Romobọ
A sa vwọ chọn ihwo ra vwẹ Baibol vwo yono vwọ riẹn Jihova je dia Onenikristi ro tedje, ofori nẹ ayen ji yono bunphiyọ vwọ vrẹ uyono ri Baibol ra vwọ kẹ ayen. (Mat. 5:3; Hib. 5:12–6:2) O ji fo nẹ ayen yono obo re ru uyono romobọ.
Dje vwọ kẹ ihwo wọ vwẹ Baibol yono oborẹ ayen che muegbe rẹ uyono ri Baibol rayen wan ghwe vwo nẹ ọke wẹ vẹ ayen vwọ ton uyono phiyọ. (mwb18.03 6) Jiro kẹ ayen nẹ ayen nẹrhovwo tavwẹn ayen ki ru uyono romobọ. Chọn ayen uko vwọ riẹn obo ra reyọ ifonu, itablẹti, vẹ ikọmputa vwo ru uyono. Dje obo ra guọnọ erọnvwọn kpokpọ rehẹ jw.org vẹ JW Broadcasting vwọ kẹ ayen®. Ememerha yono ayen vwo se Baibol na kẹdẹ kẹdẹ, muegbe vwọ kẹ emẹvwa rẹ ukoko na, ji ru ehiahiẹ vwọ kẹ ẹkpahọnphiyọ rẹ enọ rayen. Chọn ayen uko vwo roro kpahen oborẹ ayen yono na.
NI IVIDIO NA CHỌN IHWO WO YONO BAIBOL UKO VWỌ RIẸN OBO RE RU UYONO ROMOBỌ, RERE WỌ KPAHENPHIYỌ ENỌ NANA:
Mavọ yen Neeta chọn Jade uko vwọ mrẹvughe nẹ uyono vrẹ a de vwọ riẹn ẹkpahọnphiyọ rẹ enọ na?
Die yen chọn Jade uko vwo vwo imuẹro nẹ Jihova vwo uturhi rọ vwọ ta nẹ a kẹnoma kẹ uruemu rẹ ọfanrhiẹn?
Yono ihwo wọ vwẹ Baibol yono oborẹ ayen se vwo yono kpahen evuẹ eghanghanre je reyọ ayen vwo ruiruo
Die yen Jade rhe mrẹvughe kpahen erorokodo?