Edavwini Eje Che Vwoba Ẹdẹ Ọvo

Edavwini sa nẹrhẹ ofu dje avwanre, ma rho i de krotọ re. Devid riẹnre nẹ ọdavwini ro hirharoku fikirẹ Ovie Sọl che vwoba kidie Jihova veri nẹ o che vwo mu ovie. (1 Sam. 16:13) Esegbuyota rẹ Devid chọrọ uko vwo vwo erhiori je hẹrhẹ ọke ri Jihova che vwo wene ẹdia rọyen.

Ọke rẹ ọdavwini de te avwanre oma, a sa vwẹ aghwanre, erianriẹn yẹrẹ iroro vwo wene ẹdia rẹ avwanre hepha. (1 Sam. 21:12-14; Isẹ 1:4) Dede nẹ avwanre ru asan ẹgba avwanre teri eje vwo ruẹ nene oborẹ Baibol na tare, ebẹnbẹn evo ji che siotọ. Vwẹ ẹdia ọtiọyena, e jẹ avwanre vwẹ erhiori je hẹrhẹ Jihova. O rhe che kri-i, o che phioba phiyọ ojaẹriọ ejobi, “ko ririe ameoviẹ nẹ ẹro” avwanre. (Ẹvwọ. 21:4) Ọ da dianẹ avwanre vrabọ rẹ ọdavwini womarẹ ukẹcha rẹ Jihova yẹrẹ orọnvwọn ọfa, emu ọvo muẹro, edavwini eje che vwoba ẹdẹ ọvo. Imuẹro nana sa bọn avwanre gan.

NI IVIDIO NA IHWO RI YERẸN KUẸGBE VWẸ AKPỌ RẸ OMAẸFẸNẸ VỌNRE, RERE WỌ KPAHENPHIYỌ ENỌ NANA:

• Egbabọse vọ yen iniọvo evo rehẹ obọrhen rẹ United States rhiẹromrẹ?

• Idjerhe vọ yen ayen vwo dje odiri vẹ ẹguọnọ phia?

• Mavọ yen ayen vwọ tẹnrovi “obo ri yovwiri” ọkieje?—Fil. 1:10