AKPEYEREN RẸ INENIKRISTI
Jihova Chọn Avwanre Uko Vwo Chirakon rẹ Edavwini
Avwanre hirharokuẹ edavwini ibuebun, re pha gangan vwẹ ọke rẹ oba na. Ọkievo e se roro nẹ edavwini na gan vrẹ obo re se chirakon rọyen. Ẹkẹvuọvo, avwanre de sikẹrẹ Jihova ọkieje, ọ cha chọn avwanre vwo chirakon rẹ edavwini re tobọ ma gan kparobọ. (Aiz. 43:2, 4) Mavọ yen e se vwo sikẹrẹ Jihova vwẹ ọke rẹ edavwini?
Ẹrhovwo. Jihova cha kẹ avwanre ẹgba vwo chirakon ji nẹrhẹ ẹwẹn avwanre totọ siẹrẹ avwanre da ta ubiudu avwanre eje kẹ vwẹ ẹrhovwo.—Fil. 4:6, 7; 1 Tẹsa. 5:17.
Emẹvwa. Avwanre guọnọ iyono ri Baibol na vẹ oyerinkugbe rẹ iniọvo vrẹ obo ri jovwo, re dia oborẹ Jihova vwọphia vwẹ emẹvwa avwanre. (Hib. 10:24, 25) Avwanre cha mrẹ ukẹcha rẹ ẹwẹn ọfuanfon ri Jihova siẹrẹ e de muegbe phiyotọ, kpo emẹvwa rẹ Inenikristi ji vwobọ vwẹ ayen.—Ẹvwọ. 2:29.
Iruo rẹ Aghwoghwo Na. Ọ cha lọhọ kẹ avwanre a vwọ tẹnrovi obo ri yoma, bọn oyerinkugbe avwanre vẹ Jihova kugbe ọ rẹ iniọvo avwanre gan, siẹrẹ avwanre de ru obo re se ru eje vwọ wian gangan vwẹ iruo rẹ aghwoghwo na.—1 Kọr. 3:5-10.
NI IVIDIO NA JIHOVA CHE RHIABỌREYỌ OWẸ, RERE WỌ KPAHENPHIYỌ ENỌ NANA:
Die yen chọn Malu uko vwo tinkamu Jihova vwẹ ọke rẹ edavwini?
Kerẹ Malu, mavọ yen eta rẹ Une Rẹ Ejiro 34:18 sa vwọ bọn avwanre gan vwẹ ọke rẹ edavwini?
Mavọ yen ikuegbe rẹ Malu vwo djephia nẹ Jihova vwẹ ‘ẹgba rọ basa-an’ vwọ kẹ avwanre vwẹ ọke re de rhiẹromrẹ edavwini?—2 Kọr. 4:7