Ighene, Jihova Yen Ugbeyan rọ Ma Kẹrẹ Owẹ?

Iruemu vọ yen wọ guọnọre nẹ ugbeyan wẹn vwo? Ọkiọvo ọ sa dia evun ẹfuọn, uruemu esiri, kugbe ẹse-eruo. Jihova vwo iruemu nana eje. (Eyan. 34:6; Iruo 14:17) Ọ kerhọ kẹ ẹrhovwo wẹn. Ọ cha vwẹ ukẹcha kẹ wẹ ọke wọ da guọnọ ukẹcha. (Une 18:19, 35) Ọ vwẹ echobọ rẹ avwanre vwo ghovwo avwanre. (1 Jọn 1:9) Jihova ghini uvi rẹ Ugbeyan dẹn!

Mavọ wọ sa vwọ dia ugbeyan ri Jihova? Yono kpahọn womarẹ isese ri Baibol na. Rhievun kẹ. (Une 62:8; 142:2) Djephia nẹ wọ vwẹ ẹro ọghanghanre vwo ni kemu kemu rọ pha ghanghanre kẹ Jihova, kerẹ Ọmọ rọyen, Uvie rọyen, kugbe ive rọyen kpahen obaro na. Vuẹ ihwo efa kpahọn. (Urhi 32:3) Wọ vẹ Jihova de vwo omamọ oyerinkugbe, kọ cha dia Ugbeyan wẹn bẹdẹ.—Une 73:25, 26, 28.

NI IVIDIO NA IGHENE, ‘OVWAN DAVWEN RERE OVWAN MRẸ NẸ JIHOVA YOMA,’ RERE WỌ KPAHENPHIYỌ ENỌ NANA:

• 

  Mavọ wo se vwo muegbe vwọ kẹ omaẹvwọkpahotọ vẹ omaebrophiyame?

• 

  Idjerhe vọ yen ihwo efa sa vwọ chọn wẹ uko vwọ ga Jihova?

• 

  Mavọ yen iruo rẹ Uvie na sa vwọ bọn oyerinkugbe wẹn vẹ Jihova gan?

• 

  Uphẹn rẹ ẹga vọ yen rhiephiyọ kẹ wẹ?

• Die yen vwerhen owẹ oma kpahen Jihova?