Mavọ Yen Ota rẹ Ọghẹnẹ Ghanre te Vwọ kẹ Wẹ?

Eta ri Jihova Ọghẹnẹ yen evunrẹ Baibol na, Ọyen vwo ọbe ọfuanfon nana. (2 Pita 1:20, 21) Baibol na vwẹ iphiẹrophiyọ rẹ omamọ akpọ vwọ kẹ ihwo eje rọ vwọ kanrunumu etito rẹ usuon rẹ Ọghẹnẹ womarẹ Uvie na. Baibol na ji dje oka rẹ ohwo rẹ Ọsẹ rẹ avwanre, Jihova hepha.—Une 86:15.

O vwo erọnvwọn sansan re nẹrhẹ avwanre ohwo ọvuọvo ni Baibol na ghanghanre. Ẹkẹvuọvo, avwanre se Baibol na ọkieje je reyọ vwo ruiruo vwẹ akpeyeren avwanre ro vwo djephia nẹ e niro ghanghanre? E jẹ uruemu rẹ avwanre djephia nẹ avwanre ji vwo oka rẹ ẹwẹn ro rhe ọbuine na, rọ vwọ ta: “Mavọ me guọnọ urhi wẹn te!”—Une 119:97.

NI IVIDIO NA AYEN VWẸ ẸRO ỌGHANGHANRE VWO NI BAIBOL NA—ẸBẸRE RA REYỌ NORHE (WILLIAM TYNDALE), RERE WỌ KPAHENPHIYỌ ENỌ NANA:

• 

  Die yen nẹrhẹ William Tyndale fan ẹbẹre evo ri Baibol na?

• Diesorọ ẹgbaẹdavwọn rọ vwọ fan Baibol na vwọ dia obo ra jokaphiyọ?

• Mavọ yen a vwọ bẹbẹ mu Baibol ri Tyndale na ro England?

• Mavọ yen avwanre ohwo ọvuọvo se vwo djephia nẹ e ni Ota rẹ Ọghẹnẹ ghanghanre?