Ighene—Ovwan “Vwo Oruru kẹ Iruo Esiri”

Vwẹ ọbe rẹ Pọl si vwo rhe Taitọs, ọ da vuẹ nẹ ofori nẹ ighene eshare, ji te Taitọs davwẹngba vwọ dia “oniru rẹ iruo esiri vwi kemu kemu ejobi.” (Tai. 2:6, 7) Vwẹ uyovwinrota yena, ọ da je tanẹ Jesu che ru ihwo rẹ Jihova fon rere ayen se vwo vwo “oruru kẹ iruo esiri.” (Tai. 2:14) Iruo rẹ aghwoghwo rẹ Uvie rẹ Ọghẹnẹ vẹ eyono na ọyen ọvo usun rẹ iruo esiri na. Wọ da dia eghene, wọ sa reyọ ẹgba wẹn vwọ ga kerẹ ọkobaro rẹ ubrọke yẹrẹ ọ rẹ ọkieje?—Isẹ 20:29.

Wọ da guọnọ dia ọkobaro, gba nabọ vwo ọrhuẹrẹphiyotọ rọ sa chọn wẹ uko vwọ dia. (Luk 14:28-30) Kerẹ udje, mavọ wọ sa vwọ vwẹrote oma wẹn vwẹ iruo rẹ ọkieje na? Mavọ wo se vwo ru ọke ra guọnọ mie ekobaro gba? Nẹrhovwo rhe Jihova kpahọn. (Une 37:5) Nene ọse vẹ oni wẹn kugbe ihwo re dia ekobaro ta ota kpahen ọrhuẹrẹphiyotọ wẹn. Gba jowọ wo se vwo yeren mu obo wọ guọnọ dia na. O muẹro nẹ Jihova che bruba oruru wẹn vwẹ ẹga rọyen!

NI IVIDIO NA IGHENE RE MUỌGHỌ KẸ JIHOVA, RERE WỌ KPAHENPHIYỌ ENỌ NANA:

• Egbabọse vọ yen ihwo evo phikparobọ ayen sa vwọ dia ekobaro, kẹ mavọ yen ayen ruro wan?

• Mavọ yen esẹ vẹ ini se vwo yono emọ rayen vwọ dia ekobaro ọkieje?

• Diesorọ o vwo fo nẹ e vwo ọrhuẹrẹphiyotọ vwọ kẹ iruo aghwoghwo?

• Mavọ yen iniọvo rehẹ ukoko na se vwo phiuduphiyawọ rẹ ekobaro je chọn ayen uko?

• Ebruphiyọ vọ yen ekobaro rhiẹromrẹ?