AKPEYEREN RẸ INENIKRISTI
Kerẹ Ọkobaro Jiri Jihova
Ihwo rẹ Izrẹl vwo erọnvwọn sansan ri mu ayen vwo jiri Jihova. O si ayen vwo nẹ Ijipt ji sivwin ayen vwo nẹ obọ rẹ ituofovwin ri Fero! (Eyan. 15:1, 2) Ọkieje yen Jihova vwo ru erọnvwọn iyoyovwin vwọ kẹ ihwo rọyen. Mavọ yen avwanre se vwo dje ọdavwaro phia?—Une 116:12.
Idjerhe ọvo yen a vwọ ga kerẹ ọkobaro ọkieje. Wọ sa vuẹ Jihova nẹ ọ kẹ wẹ owenvwe vẹ ẹgba wọ vwọ ga kerẹ ọkobaro ọkieje. (Fil. 2:13) Ọkobaro ubrọke yen iniọvo buebun vwọ tuanphiyọ. Wo se ru ọkobaro ubrọke rẹ inọke 30 yẹrẹ 50 vwẹ emeranvwe rẹ March vẹ April kugbe ọke rẹ oniruo rẹ okinriariẹ de kin ukoko wẹn. Wọ da davwen iruo rẹ ọkobaro ubrọke nu, wo se brorhiẹn wọ vwọ ga kerẹ ọkobaro ọkieje. Iniọvo evo ri ruiruo ọkieje yẹrẹ i ri ghwe vwo omakpokpọ-ọ ga kerẹ ọkobaro ọkieje. (mwb16.07 8) Vwọrẹ uyota, Jihova yen ghini muwan rẹ ẹgbaẹdavwọn rẹ avwanre vwo jiro!—1 Ikun 16:25.
NI IVIDIO NA INIỌVO ERHA VWẸ MONGOLIA, RERE WỌ KPAHENPHIYỌ ENỌ NANA:
Egbabọse vọ yen iniọvo erha nana phikparobọ rere ayen sa vwọ ga kerẹ ọkobaro ọkieje?
Ebruphiyọ vọ yen ayen mrẹre?
Uphẹn rẹ ẹga vọ yen rhiephiyọ kẹ ayen kidie nẹ ayen gare kerẹ ọkobaro ọkieje?
Idjerhe vọ yen ihwo efa vwọ mrẹ erere vwo nẹ udje rayen rhe?