“Eta Nana . . . Me Dia Evunrẹ Ubiudu Wẹn”
Esẹ vẹ ini họhọ isuigegede. Ofori nẹ ayen vwẹrote emọ rayen, kidie ọlọhọre rẹ ayen vwo bo ghwru ji she ro okpetu. (Isẹ 27:23) Mavọ yen esẹ vẹ ini se vwo ru ọnana? Ofori nẹ ayen vẹ emọ rayen ghwọrọ ọke tota kugbe kọke kọke rere ayen vwọ riẹn obo rehẹ ẹwẹn rayen. (Isẹ 20:5) Esẹ vẹ ini davwẹngba rere ayen bọn esegbuyota rẹ emọ rayen gan kokoroko. (1 Kọr. 3:10-15) Ividio na “Eta Nana . . . Me Dia Evunrẹ Ubiudu Wẹn,” dje ọghanrovwẹ rẹ ẹga orua rẹ ọkieje phia. Wẹ vẹ orua wẹn no kugbe rere ovwan vwẹ enọ nana vwọ fuẹrẹn.
(1) Diesorọ orua ri Roman rha sasa vwọrẹ ẹwẹ-ẹn? (2) Diesorọ ẹgbaẹdavwọn rẹ Oniọvo Roman vwọ vwẹ ẹga orua vwo mu ẹsosuọ vwo she fia? (3) Ona vọ yen Baibol na djephia, rọ sa nẹrhẹ e phikparobọ vwẹ uyono rẹ emọ? (Urhi 6:6, 7) (4) Die yen se toroba omamọ rẹ otaẹtakuẹgbe vwevunrẹ orua na? (5) Die yen emọ guọnọ miẹ esẹ vẹ ini rayen? (6) Idjerhe vọ yen Oniọvọ Barrow vẹ Aye rọyen vwọ dia uvi rẹ udje vwọkẹ orua ri Roman? (Isẹ 27:17) (7) Egbemuo vọ yen ọgbuyovwin rẹ orua che ru rere ẹga orua rọyen vwo phikparobọ? (8) Ewene vọ yen Oniọvo Roman ruru vwevunrẹ orua rọyen? (9) Diesorọ ẹga orua rẹ ọkieje vwọ dia ghanghanre? (Ẹfe. 6:4) (10) Owọẹjẹ vọ yen a sa reyọ vwọ ruiruo vwẹ ẹga rẹ orua? (11) Mavọ yen Oniọvo Roman vwọ chọn Marcus uko vwo vwo ọdavwaro kpahen ọghanrovwẹ re vwo ruẹ obo re gbare? (Jer. 17:9) (12) Mavọ yen Oniọvo Roman vẹ Aye rọyen vwo nenẹ Rebecca jẹ iroro rere o se vwo brorhiẹn rọ gbare kpahen oyerinkugbe rọyen vẹ ọrẹ Justin? (Mak 12:30; 2 Tim. 2:22) (13) Mavọ yen Oniọvo Roman vẹ Aye rọyen dje esegbuyota phia ọke rẹ ayen vwo ru ewene vwẹ akpeyeren rayen? (Mat. 6:33) (14) Mavọ yen ividio na karunumu oborẹ igbuyovwin rẹ orua sevwo yono orua rayen Ota rẹ Ọghẹnẹ? (1 Tim. 5:8) (15) Die yen orhiẹn-ebro wẹn kerẹ ọgbuyovwin rẹ orua?
OBORẸ IGBUYOVWIN RẸ ORUA NISO: A vwẹ eha rẹ udje nana phia vwẹ ọghwẹkoko rẹ ubrotọ ri 2011. Vwẹ ọke yena, wọ sa mrẹ ẹdia evo re guọnọ ẹrhuẹrẹ phiyọ vwevunrẹ ẹga orua wẹn? Kẹ enẹna vwo? Ewene efa da herọ ra guọnọre, biko nẹrhovwo kpahọn rere wo se vwo ru ewene rọ cha nẹrhẹ erere ri bẹdẹ dia vwọkẹ orua wẹn.—Ẹfe. 5:15-17.