Ebẹnbẹn De Bun Nọ Vwẹ Akpeyeren
Kerẹ udje, ọke rẹ odju ọgangan ro djuru vwọ nẹrhẹ ekuakua rẹ Sallya rọ dia United States ghwru vabọ, ọ da ta: “Mi de roro nẹ mi rhe che se yeri-in. Vwẹ ẹdẹ buebun, kọ ghwa họhọ nẹ ughwu mẹ kẹre otọ nu.”
Ebẹnbẹn ọfa ọyen ọke rẹ ohwo re vwo ẹguọnọ kpahen de ghwu. Janice rọ dia Australia tare: “Ọke rẹ emeshare mẹ ivẹ vwo ghwu, akpọ mẹ kọ ghwa họhọ ochẹ ro ghwuru ibribro, ẹkẹvuọvo, mi de koko ibribro rọyen na, rhoma rhuẹrẹphiyọ te asan rẹ ẹgba mẹ muru. Me da rẹ Ọghẹnẹ: ‘Biko, mi rhe che se chiro-o! Ji mi ghwe ghwu.”
Ẹwẹn rẹ Daniel da rha kuọnrọn fikirẹ aye rọyen rọ fuevun kẹ-ẹ. Ọ da ta: “Ọke rẹ aye mẹ vwọ vuẹ vwẹ nẹ ọyen fuevun kẹ vwẹ-ẹ, ọ da họhọ nẹ a reyọ aphia duvwun uvwe. Ọ da vwẹ mamọ vwẹ emeranvwe buebun.”
Uwevwin Orhẹrẹ nana cha ta ota kpahen oboresorọ akpọ vwo fo eyeren ọke rẹ
Oghwọrọ da phia
Ohwo re vwo ẹguọnọ kpahen de ghwu
Ọrivẹ rẹ orọnvwen rha fuevu-un
E de nene ọga ọgangan muabọ
E de nene ọga ọgangan muabọ
Ẹsosuọ, mavọ yen avwanre se vwo chirakon siẹrẹ oghwọrọ da phia?
a E wene edẹ evo vwẹ iyovwinreta nana re vwọ kpahen ohwohwo na.