UYONO 1

Omamọ rẹ Ọtonphiyọ

Iruo 17:22

ỌDJẸKOKO: Ofori nẹ ọtonphiyọ rẹ ota wẹn kpare urhurusivwe rẹ ihwo, o dje uyovwinrota wẹn phia kugbe oboresorọ ọ vwọ ghanre kẹ ihwo wọ ta ota kẹ na.

OBO RE CHE RUO WAN:

Kpare urhurusivwe rẹ ihwo. Sane onọ, ota, obo re rhiẹromrẹ, yẹrẹ iyẹnrẹn rọ sa kpare urhurusivwe rẹ ihwo wọ ta ota kẹ na.

Ẹsosuọ, nabọ roro kpahen ọdavwẹ rẹ ihwo na rere wọ ton ota wẹn phiyọ vwo nene ọdavwẹ rayen na.
Dje uyovwinrota wẹn phia. Vwo imuẹro nẹ ọtonphiyọ rẹ ota na cha nẹrhẹ ihwo nabọ riẹn uyovwinrota na vẹ ọhọre rẹ ota wẹn.
Dje oboresorọ uyovwinrota na vwọ ghanre. Ta ota ro shekpahen ọdavwẹ rẹ ihwo na. Ofori nẹ ihwo na nabọ riẹn oborẹ uyovwinrota na sa vwọ chọn ayen uko komobọ.

Ọke wo de muegbe rẹ ota wẹn nọ oma wẹn, ‘Ẹdia vọ yen iniọvo rẹ ukoko mẹ hirharokuẹ?’ Wọ ton ota wẹn phiyọ vwo nene ọdavwẹ rayen.