UYONO 2
Ona rẹ Otaẹtakuẹgbe
2 Kọrẹnt 2:17
ỌDJẸKOKO: Ta ota kirobo wọ ta ota wan dẹn vẹ imuẹro kokoroko, rere a vwọ riẹn ẹwẹn wo vwo kpahen obo wọ ta na vẹ ihwo re kerhọ wẹ.
OBO RE CHE RUO WAN:
Nẹrhovwo, wọ je nabọ muegbe. Vuẹ Jihova nẹ ọ chọn wẹ uko vwo mu ẹwẹn kpahen ovuẹ na ọ dia oma wẹ-ẹn. Tẹnrovi ẹkpo kiriguo wọ guọnọ ta ota kpahan na. Vwẹ eta romobọ wẹn vwo dje ẹkpo na, wo ghwe se eta re si phiyọ ẹbe-e.
Ta ota vwo nẹ ubiudu rhe. Roro kpahen oboresorọ ihwo wọ ta ota kẹ na vwọ guọnọ nyo ovuẹ na. Tẹnrovi ayen. Womarẹ emudia yẹrẹ echidiotọ wẹn, opharo vẹ ugboma wẹn, ka cha mrẹ imuẹro vwẹ ota wẹn je mrẹvughe nẹ wẹwẹ ugbeyan.
Ni ihwo wọ ta ota kẹ. Ni opharo rẹ ihwo wọ ta ota kẹ na. Wọ da ta ota vwẹ umukpe, ni ohwo ọvuọvo ukperẹ wo vwo ni otu na eje vwẹ ọke vuọvo.