Oghwe Rode Na—Ono Kerhọ? Ono Jerhọ Ẹka?

Ihwo buebun vwẹ ọke ri Noa ruẹ obo re brare. Jẹnẹsis 6:5

Adam vẹ Ivi vwo emọ, ihwo de rhi bun otọrakpọ na. Ọke ọvo rhi vwo te emekashe evo de kuomakugbe Eshu vwọso.

Ayen da rhe otọrakpọ na ayen de wene oma kpẹ ihworakpọ rere ayen sa rọvwọn eya. Eya na de vwiẹ emeshare vẹ ẹgba rọ rho vrẹn ọ rẹ ihworakpọ. Emeshare na sianro i ji mwoshọ.

Akpọ na da rhe vọn vẹ ihwo ri ruẹ erọvwọn ebrabra. Baibol da ta: “Evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rayen pha brabra vwẹ ọke ejobi.”

Noa kerhọ rẹ Ọghẹnẹ ọ da kare okọ na. Jẹnẹsis 6:13, 14, 18, 19, 22

Noa ohwo oyoyovwin. Jihova da ta kẹ Noa nẹ Ọyen cha vwẹ oghwe rode vwọ ghwọrọ ihwo umwemwu na.

Ọghẹnẹ je vuẹ Noa nẹ ọ kare okọ rhuarho, re se nẹ ak, rere o phi orua rọyen phiyọ kugbe koka koka rẹ eranvwe.

Noa siẹ ihwo orhọ kpahen Oghwe rọ cha na, ẹkẹvuọvo ayen davwerhọ-ọ. Otu evo vwẹ Noa jehwẹ; efa vwo utuoma kpahọn.

Rọvwọ kare okọ na re nu, Noa de mu eranvwe na phiyọ.