Ayen Kerhọ rẹ Eshu—Die Ọyen Nuro Rhe?

Adam vẹ Ivi nyẹme rẹ Ọghẹnẹ-ẹ, ayen de ghwu. Jẹnẹsis 3:6, 23

Ivi kerhọ rẹ ọrọdekọ na ọ da re omamọ na. O vwo ru nu, ọ da vwẹ evo kẹ Adam, ọ da re.

Obo rayen ruru na chọre​—ọyena umwemwu. Ọghẹnẹ da djẹ ayen nẹ Paradais rọ diẹ uwevwin rayen na.

Akpeyeren da rhe dia bẹnbẹn kẹ ayen vẹ emọ rayen. Ayen da rhe ghwo ayen de ghwu. Ayen kpo akpọ rẹ ihwo rẹwẹ-ẹn, ayen rha dia ọfa-a.

Ihwo ri ghwuru na vwo arhọ-ọ kerẹ obo r’ekpẹn hepha. Jẹnẹsis 3:19

Avwanre ghwẹ fikiridie avwanre ejobi nẹ obọ rẹ Adam vẹ Ivi rhe. Ihwo ri ghwuru sa mrẹ orẹ-ẹ yẹrẹ nyẹme-e yẹrẹ ruẹ emu vuọvo-o.​—Aghwoghwo 9:5, 10.

Jihova vworo vwẹ ẹwẹn nẹ ihwo ghwu-u. Ọmọke krẹn vwẹ etinẹ kọ cha rhọvwọn ihwo re vwerhẹn vwọrẹ ughwu rhe akpọ. Ayen da kerhọ rọyen, ayen ke cha dia bẹdẹ.