Iseri ri Jihova Ruiruo rẹ Imishọnare?

E. Kasan kasan rẹ Iseri ri Jihova dia yen ayen de dje ẹwẹn yẹrẹ uruemu rẹ imishọnare phia, ọkieje yen ayen vwọ vuẹ ihwo rẹ ayen mrẹre oborẹ ayen segbuyota.​—Matiu 28:​19, 20.

Vwọba, Iseri ri Jihova evo kpo asan sansan vwẹ ẹkuotọ rayen, re ghwoghwo iyẹnrẹn rẹ esiri na kẹ ihwo ri ji nyo dẹvoo. Iseri efa kpo ẹkuotọ efa re ruiruo rẹ aghwoghwo rayen hẹrephiyọ. Oma vwerhen ayen, ayen vwo vwobọ vwẹ orugba rẹ aroẹmrẹ ri Jesu rọ tare nẹ, “ovwan cha dia iseri mẹ . . . re te asan ro me sheri vwẹ akpọ na.”​​—Iruo rẹ Iyinkọn Na 1:8.

Vwẹ 1943, avwanre da vwẹ isikuru ọvo vwo mu rere a sa vwọ vwẹ uyono rẹ oghẹresan vwọ kẹ imishọnare avwanre evo. Ghwe vwo nẹ ọke yena rhe, Iseri ri Jihova re vrẹ 8,000 yen kpo isikuru nana re, ra rhe riẹn phiyọ Isikuru ri Gilead.