O Vwo Ifimu, Ẹbe, yẹrẹ Ine Evo rẹ Iseri rẹ Jihova Gha?

Ẹjo. Ukoko rẹ avwanre fuẹrẹn ifimu, ẹbe, yẹrẹ ine evo rere e se vwo vughe e rẹ ihwo rẹ avwanre cha kẹnoma kẹ-ẹ. Diesorọ?

Baibol na vwẹ uchebro kẹ ohwo ọvuọvo nẹ o yono “ọhọ” rọyen rere o se vwo vughe emu esiri vẹ ọbrabra.—Hibru 5:14.

Ọbe ọfuanfon na kẹ Onenikristi odjekẹ ro se roro kpahen ọke ro de roro kpahen erọnvwọn ra vwọ diotọ ro che vwobọ vwọ.a Kirobo rọ hepha vwẹ kẹdia kẹdia rẹ akpeyeren, oborẹ avwanre tẹnrovi yen e vwo ru “obo ri je Ọrovwohwo.”—Ẹfesọs 5:10.

Baibol na yono avwanre nẹ a vwẹ ẹgba vwọ kẹ igbuyovwin rẹ erua, ọtiọyena ayen sa jẹ oka rẹ erọnvwọn ra vwọ diotọ rẹ orua rayen se vwobọ phiyọ. (1 Kọrẹnt 11:3; Ẹfesọs 6:1-4) Vwọ vrẹ orua na, ohwo ọvuọvo vwo uturhi rọ vwọ dobọ rẹ ifimu yẹrẹ ine ji, rere ihwo rẹ ukoko na vwo jẹ ayen ẹreyo vwo ruiruo-o.—Galesha 6:5.