Ẹkpahọnphiyọ rẹ Enọ ri Baibol Na / E Vwo Ruẹ Obo re Vwerhen Ọghẹnẹ Oma / Onenikristi se Rhiabọreyọ Omaesivwo?

Ẹkpahọnphiyọ ri Baibol na

E. Jesu ta ota ro djerephia nẹ idibo rọyen se rhiabọreyọ omaesivwo rọ vwọ tanẹ, “ihwo rẹ oma rayen ganre guọnọ ọbo-o, ẹkẹvuọvo ihwo rẹ oma rayen jẹ gan yen guọnọ ọbo.” (Matiu 9:12) Dede nẹ Baibol na dia ọbe rẹ omaesivwoo, jẹ ọ vwẹ odjekẹ kẹ ihwo re guọnọ ru obo re vwerhen Ọghẹnẹ oma.

Enọ wọ sa nọ oma wẹn

1. Mi vwo ẹruọ rẹ oka rẹ omaesivwo na? Baibol na jiriro kẹ avwanre nẹ a guọnọ evuẹ rẹ uyota ukperẹ e vwo se “kemu kemu ejobi gbuyota”​—Isẹ 14:15.

2. Ofori nẹ me nọ idọktọ efa kpahen omaesivwo na? Uchebro rẹ ‘evwiroro’ se fierere kẹ wẹ, ma rho ọ da dianẹ wọ họnvwa okpọga.​—Isẹ 15:22.

3. Omaesivwo na cha nẹrhẹ me churhi ri Baibol rọ tare nẹ a “kẹnoma kẹ . . . ọbara”?​—Iruo rẹ Iyinkọn Na 15:20.

4. Omaesivwo na churobọ si ephaẹbọ? Baibol na vwọso uruemu re “vwo nene emekashe rẹ Idẹbono ruẹ kuẹgbe.” (Galesha 5:​19-21) Wọ vwọ riẹn sẹ omaesivwo na churobọ si orukugbe vẹ emekashe rẹ Idẹbono, roro kpahen enọ nana:

• Ẹgba rẹ Idẹbono yen idọktọ na vwọ wian?

• Ohwo ro che sivwin oma na reyerọ phiyọ nẹ edjọ yẹrẹ ivwighrẹn yen vwẹ ẹgba rẹ orhan vwọ sua ọga na?

• Obo re che vwo ru ihuvwun na yẹrẹ obo ra cha reyọ wan churobọ si izobo eze, ephaẹbọ vẹ uruemu rẹ orhan?

5. Me rua ẹnwan kpahen oma mẹ na gan nọ? Baibol na bru avwanre uche nẹ: “E jẹ ihwo ejobi mrẹvughe nẹ ovwan ihwo re nuẹ.” (Filipae 4:5) Wọ da dia ohwo rọ nuẹ, ọ cha cha wẹ uko vwọ tẹnrovi “erọnvwọn re ma ghanre,” kerẹ e vwo muomaphiyọ ẹga rẹ Ọghẹnẹ.​—Filipae 1:10; Matiu 5:3.