Jesu Che Phioba Phiyọ Ọbẹnvwẹ

Ọke rẹ Jesu vwọ hẹ otọrakpọ, o dje ẹguọnọ kẹ ihwo, marho kẹ ivwiogbere vẹ ihwo re rioja. (Matiu 9:36) Ọ tobọ vwẹ arhọ rọyen vwọ kpahotọ kẹ ihwo buebun. (Matiu 20:28; Jọn 15:13) O rhe che krii, ọ cha rhoma djephia nẹ ọyen vwo ẹguọnọ rẹ ihwo womarẹ ọ cha vwọ reyọ ẹgba rọyen kerẹ Ovie rẹ Uvie rẹ Ọghẹnẹ vwo phioba phiyọ ọbẹnvwẹ vwẹ akpọ na eje.

Baibol na vwẹ eta vwevwerhen vwo djisẹ rẹ oborẹ Jesu che ru:

• ‘E jẹ ọ chochọ rẹ ivwiogbere rẹ ihwo na, e jẹ ọ vwẹ esivwo kẹ ohwo rọ bẹn.’​—Une rẹ Ejiro 72:4.

Mavọ yen e se vwo dje ọdavwaro phia kpahen erọnvwọn eje ri Jesu ru kẹ avwanre vẹ obo ro che ru kẹrẹkpẹ? Idjerhe ọvo re se vwo ru ọtiọyen yen e vwo yono kpahen “iyẹnrẹn esiri rẹ Uvie rẹ Ọghẹnẹ na” rọ dia ovuẹ ri Jesu ghwoghwori. (Luk 4:43) Se uyovwinrota na “What Is the Kingdom of God?”