Ruẹ Ẹroẹvwọsuọ Wẹn Kpahen Ẹgba Usivwin ri Jihova Ganphiyọ

Se Ukeri 13:25–14:4 rere wọ mrẹ oboresorọ ihwo rẹ Izrẹl rha vwẹroso Jihovaa.

Nabọ fuẹrẹn ikuegbe na. Diesorọ o vwo fo ihwo rẹ Izrẹl vwọ vwẹroso ẹgba rẹ usivwin ri Jihova ayen vwo vrẹn nẹ Ijipt nu? (Une 78:12-16, 43-53) Die yen nẹrhẹ ẹroẹvwọsuọ rayen kpahen Jihova shekpotọ? (Diut. 1:26-28) Idjerhe vọ yen Kelẹb vẹ Joshua vwo djephia nẹ ayen vwẹroso Jihova?—Ukeri 14:6-9.

Hiẹ kodo. Die yen ihwo rẹ Izrẹl rhe se ru vwo ruẹ ẹroẹvwọsuọ rayen kpahen Jihova ganphiyọ? (Une 9:10; 22:4; 78:11) Mavọ yen ẹroẹvwọsuọ rẹ avwanre kpahen Jihova vwo churobọ si oshọ rẹ avwanre muẹ kẹ?—Ukeri 14:11.

Jokaphiyọ obo ru wo yonori. Nọ oma wẹn:

• ‘Ẹdia vọ yen sa nẹrhẹ ọ bẹn kẹ vwẹ me vwọ vwẹroso Jihova kakare?’

• ‘Mavọ mi se vwo ru ẹroẹvwọsuọ mẹ kpahen Jihova ganphiyọ asaọkiephana kugbe ọke rọ cha vwẹ obaro?’

• ‘Imuẹro vọ yen mi vwori rẹ ukpokpogho rode na vwo siẹkẹrẹ na?’—Luk 21:25-28.