Jesu “Yono Ẹmienyo”

Ọkieje yen Jesu vwo nyẹme ri Jihova. (Jọn 8:29) Ọ da dia ọtiọyen, diesorọ Baibol na vwọ tanẹ: “O yono ẹmienyo vwo nẹ erọnvwọn rọ rioja rọyen”?—Hib. 5:8.

Ọke rẹ Jesu vwọ hẹ otọrakpọ na, o hirharoku ẹdia sansan rehẹ odjuvwuu. Ọsẹ vẹ oni re dia ihwo re gbaree ri vwo oruru rẹ ẹga ri Jihova yen yọnrerọ ghwanre. (Luk 2:51) Ọ rioja vwẹ obọ rẹ ilori ẹga kugbe isun ri shenyẹ ihwo. (Mat. 26:59; Mak 15:15) Dedena, “ọ vwomakpotọ o de nyẹme re te ẹdia rẹ ughwu,” ughwu rẹ osọnọ.—Fil. 2:8.

Erọnvwọn nana rẹ Jesu rhiẹromrẹ na, yoniro ẹmienyo vwẹ idjerhe rọ je nama yono jovwo ọke rọ vwọ hẹ odjuvwuu. Ọtiọyena, kọ sa rhe dia uvi rẹ Ovie kugbe Orherẹn Rode, ohwo ro vwo ẹruọ rẹ avwanre. (Hib. 4:15; 5:9) Ọke rẹ Jesu vwo yono ẹmienyo vwo nẹ erọnvwọn rọ rioja rọyen nu, ọ da rhe dia ghanghanre vwọ kẹ Jihova phiyọ. Avwanre je sa dia ghanghanre kẹ Jihova phiyọ je dia ihwo rọ sa reyọ vwo ru kiruo kiruo siẹrẹ e de nyẹme vwẹ ẹdia ebẹnbẹn.—Jems 1:4.