Mrẹ Erere Vọnvọn nẹ Ihoho Rhe

Ẹbe rẹ avwanre vwẹ ihoho buebun ri yono avwanre ẹkpo re pha ghanghanre. Mavọ yen wọ sa vwọ mrẹ erere vọnvọn vwo nẹ ayen rhe?

• Nabọ ni ihoho na tavwen wo ki se uyovwinrota na. Ihoho na sa kpare urhurusivwe wẹn ji mu we vwo se uyovwinrota na. Ọtiọyen ọ je hepha nẹ, emu rọ cha vwerhan, ẹro yen a vwọ riẹn. Ọtiọyena, gba nọ oma wẹn, ‘Die yen me mrẹ?’—Emọs 7:7, 8.

• Wo vwo se uyovwinrota na, roro kpahen oboresorọ re vwo phi ihoho na phiyọ. Se obo re si phiyọ ihoho yẹrẹ idjedje rẹ ihoho na ọ da dianẹ e herọ. Roro kpahen oborẹ ihoho na vwo churobọ si uyovwinrota na vẹ akpeyeren wẹn.

• Wo de se nu, gba reyọ ihoho na vwọ fuẹrẹn ẹkpo kiriguo rehẹ uyovwinrota na. Wo de ru ọyena nu, gba davwẹngba vwo roro kpahen ihoho na ku afọnrhe vẹ ẹkpo vuọvo rẹ obo wo yono nẹ ayen rhe.

• Kẹ, diesorọ wọ rha fuẹrẹn ihoho rehẹ imagazini nana sẹ wọ sa karophiyọ obo ri yonori?