Guọnọ Omamọ Asan

Wọ guọnọ mrẹ erere vwo nẹ uyono romobọ? Iroroẹjẹ nana sa vwẹ ukẹcha kẹ wẹ vwo mu ẹwẹn phiyọ uyono na:

•  Guọnọ asan ro me fo kẹ uyono na. Ọ da dia obo ru wo se ru, guọnọ asan rọ fonro rẹ urhukpẹ je hepha wọ sa vwọ nabọ mrorẹ. Wo se chidia agbaran vwẹ obaro rẹ imeje, yẹrẹ asan ro fuoma vwẹ otafe.

•  Guọnọ asan rẹ ohwo hephaa. Jesu kpo “asan rẹ ohwo vuọvo hepha-a” vwẹ “edegburhiọke” da ra nẹrhovwo. (Mk 1:35) Wọ rha mrẹ asan rọ fọre wẹwẹ ọvo de se ru uyono naa, gba vuẹ ihwo ru wẹ vẹ ayen gba hẹ uwevwin nẹ wọ guọnọ ruẹ uyono nẹ wọ guọnọre nẹ ohwo vuọvo gbowọphiyọọ.

•  Tẹnrovi obo ru wo ruẹ. Kẹnoma kẹ obo ri se gbowọphiyọ uyono na. Ọ da dianẹ ifonu yẹrẹ itablẹti yen wọ reyọ vwo ruẹ uyono na, phio phiyọ ẹdia rẹ gbiẹi rere use yẹrẹ ovuẹ vwo jẹ ẹruọ. Iroro wẹn da djẹ kpo orọnvwọn ru wọ guọnọ ru, sio phiyọ ọmọbe rere wọ sa vwọ karophiyọ ọke ọfa. Ọ da dianẹ wo rhe se mu ẹwẹn phiyọ uyono naa, vrẹn wọ riẹn awọ.