Ihwo ri Vwo Oshọẹdjẹ ri Jihova Brorhiẹn rẹ Aghwanre

Se Jẹnẹsis 25:29-34 wọ vwọ riẹn sẹ Isọ kugbe Jekọp brorhiẹn rẹ aghwanre.

Hiẹ kodo kpahen ikuegbe na. Die yen phiare tavwen Rebeka ki rhi vwiẹ? (Jẹ 25:20-28) Emọ na vwọ ghwanre re, kẹ die yen phiare?​—Jẹ 27:1-46.

Hiẹ kodo kpahen obo re phiare. Vwẹ ọke awanre, uphẹn kugbe oghwa vọ yen ọmọ ọkpako vwori?​—Jẹ 18:18, 19; w10 5/1 13.

• Uphẹn yena mudiaphiyọ nẹ ọkieje yen emọ ekpako cha vwọ dia esẹ ride ri Mesaya na? (w17.12 aruọbe 14-15)

Roro kpahen obo wo yonori na, wọ je reyọ ayen vwo ruiruo. Diesorọ Jekọp vwọ vwẹ ẹro ọghanghanre vwo ni ẹdia rẹ ọmọkpako na jẹ Isọ niro ọtiọyeen? (Hib 12:16, 17; w03 10/15 28-29) Mavọ yen oma ru Jihova kpahen iniọvo ivẹ nana, kẹ diesorọ? (Mal 1:2, 3) Die yen Iso rhe ru jovwo rere o se vwo brorhiẹn rẹ aghwanre?

• Nọ oma wẹn, ‘Mavọ yen mi se vwo dje ọdavwaro phia kpahen ẹga ri Jihova vwẹ irueru ri kudughwrẹn kudughwrẹn, kerẹ udje, ọke mi de ru ọrhuẹrẹphiyotọ rẹ ẹga rẹ orua?’