Iyovwinreta Efa ra Vwọphia Vwẹ Uwevwin Orhẹrẹ

Iniọvo buebun reyọ JW Library^® vwo muegbe rẹ uyono, oma je vwerhen ayen siẹrẹ o de mu ayen phiọgun vwo kpo uyovwinrota ọvuọvo re che yono vwẹ Uwevwin Orhẹrẹ na. Ẹkẹvuọvo Uwevwin Orhẹrẹ re yono na ji vwo iyovwinreta efa re sa chọn avwanre uko vwo sikẹre Jihova. Mavọ yen wọ sa vwọ reyọ JW Library vwọ guọnọ iyovwinreta nana je mrẹ erere nẹ ayen rhe?

• Vwẹ obotọ rẹ uyono ọvuọvo rẹ Uwevwin Orhẹrẹ re yono na, wọ cha mrẹ uyovwinrota otete re se “Additional Reading.” Vwẹ obotọ rẹ uyovwinrota otete nana, gbe kliki rẹ “Other articles in this issue.” O che mu we kpo iyovwinreta eje rehẹ Uwevwin Orhẹrẹ na, wọ cha mrẹ iyovwinreta re che yono na vẹ ukeri rayen. Wo sess djobọte iyovwinrota efa ru wọ guọnọ se.

• Vwẹ aruọbe rẹsosuọ rẹ JW Library na, danlodu rẹ Uwevwin Orhẹrẹ kpokpọ ra vwọphia vwẹ ẹbẹre rẹ “What’s New.” Rhie ọ rẹ wọ danlodu na wo ni iyovwinreta na rere wọ sa vwọ mrẹ erere nẹ ayen eje rhe.