Jo Muwẹro nẹ Wo se Chirakon rẹ Uweren Ọgangan

Akpeyeren vwẹ ọke rẹ oba na vọnre vẹ egbabọse buebun. O muẹro dẹn nẹ ebẹnbẹn che rhe buẹnphiyọ avwanre vwo siẹkẹrẹ oba rẹ eyeren nana. Ọkievo avwanre sa rioja rẹ ọkanrovwẹ rẹ erọnvwọn evo. (Hab. 3:​16-18) Die yen sa chọn avwanre uko vwo chirakon rẹ uweren ọgangan? Ọyen ọ rẹ avwanre vwọ vwẹrosua Ọghẹnẹ rẹ avwanre, Jihova. O veri nẹ ọ cha vwẹrote idibo rọyen, ọ je sa kẹ avwanre obo ra guọnọre o toro ẹdia rẹ avwanre hepha-a.​—⁠Une 37:​18, 19; Hib. 13:​5, 6.

Obo wo se ru:

• Rẹ Jihova vwọ kẹ odjekẹ, aghwanre vẹ obicha rọyen.​—⁠Une 62:8

• Muegbe wo vwo rhiabọreyọ kowian kowian ra kẹ wẹ, ọ da tobọ dia owian wo ji ru dẹvo-o.​—⁠g 1/⁠10 8-9, boxes

• Vwo ọrhuẹrẹphiyotọ rẹ isese ri Baibol ri kẹdẹ kẹdẹ rọ ghwotọ, kpo emẹvwa rẹ Inenikristi, wo mi ji vwobọ vwẹ iruo rẹ aghwoghwo na

NI IVIDIO NA BỌN UWEVWIN RỌ CHA TỌN​—⁠JẸ “OBO RI WO VWORI DA WẸ ẸRO,” RERE WỌ KPAHENPHIYỌ ENỌ NANA:

• Erhọ yen egbabọse evo rẹ erua evo hirharoku?

• Die yen ma ghanre vwẹ akpeyeren?

• Mavọ yen a sa vwọ vwẹ ukẹcha kẹ ihwo ri hirharokuẹ uweren ọgangan?