Vwẹ Aghwanre Vwọ Sane Ọrivẹ rẹ Ọrọnvwe Wẹn

Solomọn gbe ughẹnghẹn rọvwọn eya re ga eghẹnẹ rẹ efian (1 Ivie 11:​1, 2; w18.07 18 ẹko. 7)

Ememerha na, eya ri Solomọn de kuẹ udu rọyen rhẹriẹ vwo nẹ ẹga rẹ Jihova (1 Ivie 11:​3-6; w19.01 15 ẹko. 6)

Ivun ri Solomọn de miovwo Jihova mamọ (1 Ivie 11:​9, 10; w18.07 19 ẹko. 9)

Ota rẹ Ọghẹnẹ vwẹ uchebro vwọ kẹ Inenikristi re guọnọ rọvwọn nẹ ayen rọvwọn vwẹ “odẹ rẹ Ọrovwohwo.” (1 Kọr. 7:39) Ẹkẹvuọvo, ọ diẹ kidie nẹ ohwo bromaphiyame re, yen cha nẹrhẹ ọ dia omamọ rẹ ọrivẹ rẹ orọnvwe-e. Ohwo na cha chọn wẹ uko vwọ ga Jihova vọnvọn ọkieje? Ohwo na djephia nẹ o vwo ẹguọnọ okokodo kpahen Jihova vwẹ uvwre rẹ ọke evo rhire? Tavwen wọ ke rhọnvwe nẹ wọ rọvwọn, ghwọrọ ọke vwọ nabọ vughe ohwo rẹ wọ guọnọ rọvwọn na.