Ighene—Ovwan Djahen Evun kẹ Esẹ vẹ Ini rẹ Ovwa-an

Diesorọ o vwo fo nẹ wo rhievun vuẹ ọsẹ vẹ oni wẹn obo rehẹ ẹwẹn wẹn? (Isẹ 23:26) Kidie Jihova kẹ ayen oghwa rẹ ayen vwọ vwẹrote we je sẹro wẹn. (Une 127:3, 4) Ọ cha bẹn mamọ rẹ ayen vwọ chọn wẹ uko ọ da dianẹ wọ vuẹ ayen obo ri kpokpo uwe vwẹ ẹwẹ-ẹn. Vwọba, wo ji che se yono vwo nẹ ọhọ vẹ oborẹ ayen rhiẹromrẹ vwẹ akpeyere-en. Ọ chọre ra vwọ djahen erọnvwọn evo vwọ kẹ esẹ vẹ ini rẹ avwanre? Ẹjo, ẹkẹvuọvo e jẹ a jomaotọ rere e vwo jẹ ayen ẹphiẹn.—Isẹ 3:32.

Mavọ yen wọ sa vwọ ta ota kẹ ọsẹ vẹ oni wẹn? Davwẹngba vwọ rhuẹrẹ ọke ro shephiyọ wẹ vẹ ayen sa vwọ ta ota. Ọ da dianẹ ọyena bẹn wẹ eruo, gbe si obo rehẹ ẹwẹn wẹn phiyọ ileta bru ọvo usun rayen ra. Kẹ ọ da rha dianẹ ayen reyọ ẹwẹn wẹn kpo ẹbẹre wọ guọnọ ta ota kpahe-en vwo? Karophiyọ nẹ ayen ghene guọnọ chọn wẹ uko. Reyọ ọsẹ vẹ oni wẹn kerẹ igbeyan, e dia ivwighrẹ-ẹn. Ẹgbaẹdavwọn rẹ wo djephia wo vwo rhievun kẹ ọsẹ vẹ oni wẹn ye cha sẹro wẹn vwẹ akpeyeren wẹn eje je nẹrhẹ wo vwo arhọ ri bẹdẹ!—Isẹ 4:10-12.

NI IVIDIO NA AKPEYEREN RẸ ỌKE EGHENE MẸ—MAVỌ YEN ME SA VWỌ TA OTA KẸ ỌSẸ VẸ ONI MẸ? RERE WỌ KPAHENPHIYỌ ENỌ NANA:

• 

  Die yen Esther vẹ Partik rhi niso vwọ kpahen oma rayen?

• 

  Die yen wo se yono vwo nẹ udje rẹ Jesu rhe?

• 

  Idjerhe vọ yen ọsẹ vẹ oni wẹn vwo djephia nẹ ayen vwo ọdavwẹ wẹn?

• 

  Uchebro ri Baibol vọ yen sa chọn wẹ uko vwọ ta ota kẹ ọsẹ vẹ oni wẹn?