MUOMAPHIYỌ IRUO AGHWOGHWO NA | JẸ AGHỌGHỌ WẸN BUNPHIYỌ VWẸ IRUO AGHWOGHWO NA
Rhiabọreyọ Ukẹcha rẹ Iniọvo Na
Jihova reyọ iniọvo rẹ eya vẹ eshare “re hẹ akpọ” eje vwọ chọn avwanre uko. (1 Pita 5:9) Ayen sa chọn avwanre uko vwo phi ebẹnbẹn avwanre mrẹ vwẹ iruo rẹ aghwoghwo na kparobọ. Kerẹ udje, ọyinkọn Pọl mrẹ erere vwo nẹ ukẹcha rẹ Akuila vẹ Prisila, Sailas, Timoti kugbe ihwo efa vwọ kẹ.—Iruo 18:1-5.
Mavọ yen iniọvo na sa vwọ chọn wẹ uko vwẹ iruo rẹ aghwoghwo na? Ayen sa vwẹ iroroẹjẹ evo phia kẹ wẹ vwọ kpahen obo wo se vwo ghwoghwota kẹ ihwo re rhọvwan kerhọ-ọ, obo wo se vwo vwo orhivwinbrura, yẹrẹ obo wọ sa vwọ reyọ Baibol na vwo yono ihwo. Roro kpahen ohwo ọvo vwẹ ukoko wẹn rọ sa chọn wẹ uko, wọ je nokpẹn rẹ ukẹcha mie. O muẹro nẹ ovwan cha mrẹ erere, o ji che toroba aghọghọ rẹ ovwan.—Fil. 1:25.
NI IVIDIO NA MRẸ AGHỌGHỌ RỌHẸ IRUO RẸ ODIBO EGBE NA—RHIABỌREYỌ UKẸCHA RI JIHOVA —INIỌVO RẸ AVWANRE, RERE WỌ KPAHENPHIYỌ ENỌ NANA:
Mavọ yen Neeta vwọ davwẹngba vwo phiuduphiyawọ ri Jade nẹ ọ rhe uyono?
Diesorọ o vwo fo nẹ avwanre durhie ighwoghwota efa nẹ e vwomaba avwanre siẹrẹ e de che yono ohwo ra vwẹ Baibol yono?
Ukoko na eje yen chọn ohwo uko vwọ dia odibo
Ọrhọ yen emuọvo ri Jade vẹ Abigay vwo omavwerhovwẹn kpahen?
Ena aghwoghwo vọ yen iniọvo na se yono uwe?