Ọghwọku—Dje Ẹguọnọ ri Jihova Phia

Ọghwọku churobọsi uyono, ẹkẹvuọvo o ji churobọsi ọkpọvi kugbe re vwo gboja kẹ ohwo. Jihova ghwọkuẹ avwanre rere a sa vwọ ga vwẹ idjerhe rọ guọnọre. (Rom 12:1; Hib. 12:10, 11) Ọkievo, ọ bẹn re vwo rhiabọreyọ ọghwọku, ẹkẹvuọvo, ukuotọ rọyen wọ me rhe mrẹ ebruphiyọ. (Isẹ 10:7) Die yen ofori nẹ ọ rọ ghwọkuẹ ohwo vẹ ọ ra ghwọkuẹ na karophiyọ?

Ọ rọ ghwọkuẹ ohwo. Ekpako, emiọvwọn, vẹ ihwo efa davwẹngba ayen vwọ vwẹ ẹwẹn kpotọ ghwọku ihwo vwọrẹ ẹguọnọ kirobo rẹ Jihova ruẹ. (Jer. 46:28) Ọ da tobọ dia ọghwọku ọgangan, e jẹ ẹguọnọ mu we vwọ reyọ vwọphia vwẹ idjerhe rẹ abavo.—Tai. 1:13.

Ọ ra ghwọkuẹ. Otoro oborẹ ọghwọku na hepha-a, ofori nẹ avwanre rhiabọreyọ kpakpata je reyọ vwo ruiruo. (Isẹ 3:11, 12) Ihwo eje guọnọ ọghwọku kidie avwanre gbare-e, jẹ ọghwọku sa vwomaphia vwẹ idjerhe sansan. Obo re se mrẹ vwẹ Baibol na yẹrẹ obo re nyori vwẹ uyono sa dia ọghwọku vwọ kẹ avwanre. Yẹrẹ ọkievo, ihwo evo guọnọ ọghwọku vwo mie umẹ rẹ ẹdjọeguo. E che vwo arhọ siẹrẹ e de rhiabọreyọ ọghwọku ji reyọ vwo ruiruo.—Isẹ 10:17.

NI IVIDIO NA “OHWO RẸ IVUN RỌYE VWERHA ỌROVWOHWO ỌYE Ọ GHWỌ KUẸ,” RERE WỌ KPAHENPHIYỌ ENỌ NANA:

• 

  Mavọ yen akpeyeren rẹ Canon tonphiyọ wan, mavọ yen o vwo wene?

• 

  Ọghwọku vọ yen Jihova vwọ kẹ vwẹ idjerhe rẹ ẹguọnọ?

• 

  Die yen ikuegbe rọyen na yono avwanre?