Avwanre Dje Ẹguọnọ Phia Siẹrẹ E de Bicha Ọghwọku ri Jihova

Ra vwọ djẹ ohwo nẹ ukoko sẹro rẹ ukoko na, ọ je vwẹ ọghwọku kẹ ohwo na. (1 Kọr. 5:6, 11) Avwanre djephia nẹ e vwo ẹguọnọ siẹrẹ e de bicha ọrhuẹrẹphiyotọ nana. Mavọ yen ọ sa vwọ dia ọtiọyen, jẹ ọ da ihwo eje ji te ihwo orua kugbe umẹ rẹ ẹdjọeguo na siẹrẹ a da djẹ ohwo nẹ ukoko?

Ma rho kparobọ, avwanre djephia nẹ e vwo ẹguọnọ ri Jihova vẹ urhi rọyen. (1 Pita 1:14-16) Avwanre ji djephia nẹ e vwo ẹguọnọ rẹ ohwo ra djẹ nẹ ukoko na. Dede nẹ ọghwọku ọgangan sa da ohwo, jẹ ukuotọ rọyen “ọ me rhe vọn vẹ ufuoma vẹ ọvwata.” (Hib. 12:5, 6, 11) Avwanre gbowọphiyọ orhuẹrẹphiyotọ ri Jihova siẹrẹ e de nene ohwo ra djẹ nẹ ukoko yẹrẹ ohwo ro sioma nẹ ukoko na yerẹn kuẹgbe. Karophiyọ nẹ Jihova “cha ghwọ umuchẹghwọ” ku ihwo rọyen. (Jer. 30:11) Avwanre vwo biẹcha ọrhuẹrephiyotọ ri Jihova nana je davwẹngba vwo vwobọ vwẹ iruo rẹ ẹga na vọnvọn na, avwanre rhẹro rọyen nẹ ohwo na che rhivwin bru Jihova rhe.—Aiz. 1:16-18; 55:7.

NI IVIDIO NA VWẸ UBIUDU ỌSOSO VWỌ FUEVUN KẸ JIHOVA, RERE WỌ KPAHENPHIYỌ ENỌ NANA:

• 

  Die yen emiọvwọn hirharokuẹ siẹrẹ emọ rayen de nẹ ukoko na?

• 

  Mavọ yen iniọvo na se vwo bicha orua rẹ ohwo ra djẹ nẹ ukoko?

• 

  Ikuegbe ri Baibol vọ yen djerephia nẹ ofori nẹ avwanre fuevun kẹ Jihova vwọ vrẹ ihwo rẹ orua?

• 

  Mavọ yen avwanre se vwo djephia nẹ avwanre fuevun kẹ Jihova vwọ vrẹ orua rẹ avwanre?