MUOMAPHIYỌ IRUO AGHWOGHWO NA | JẸ AGHỌGHỌ WẸN BUNPHIYỌ VWẸ IRUO AGHWOGHWO NA
Reyọ Udje Vwo Dje Ẹkpo Eghanghanre Phia
Avwanre de kpo orhivwinbrura yẹrẹ ru uyono ri Baibol, ofori nẹ a chọn ohwo re yono na uko vwo vwo ẹruọ rẹ ẹkpo eghanghanre. A da reyọ udje vwo dje ẹkpo nana phia, eta na ko se te ubuidu rayen je chọn ayen uko vwọ karophiyọ oborẹ ayen yonori.
Wo de muegbe vwọ kẹ orhivwinbrura yẹrẹ uyono ri Baibol, sane ẹkpo eghanghanre rẹ wo che djefiotọ. Wọ me sane udje elọlọhọ ri shekpahen obo ra mrẹ kẹdẹ kẹdẹ. (Mat. 5:14-16; Mak 2:21; Luk 14:7-11) Nabọ roro kpahen asan rẹ ohwo na nurhe vẹ obo ro ruẹ. (Luk 5:2-11; Jọn 4:7-15) Wọ cha mrẹ aghọghọ siẹrẹ wọ da mrẹ nẹ oma vwerhọn kidie nẹ o vwo ẹruọ rẹ ẹkpo ọvo.
NI IVIDIO NA MRẸ AGHỌGHỌ RỌHẸ IRUO RẸ ODIBO EGBE NA—RU ONA WẸN YOVWINPHIYỌ—REYỌ UDJE VWO DJE ẸKPO EGHANGHANRE PHIA, RERE WỌ KPAHENPHIYỌ ENỌ NANA:
Diesorọ ohwo ra vwẹ Baibol yono vwọ guọnọ ukẹcha o se vwo vwo ẹruọ rẹ ẹkpo ri Baibol evo?
Mavọ yen Neeta vwọ reyọ udje vwo dje uyota rọhẹ Rom 5:12 phia?
Omamọ rẹ udje te ubiudu
Erere vọ yen ohwo re yono na sa mrẹ siẹrẹ a da reyọ omamọ re udje vwo ruiruo?
Vwẹ iruo aghwoghwo na, diesorọ o vwo fo nẹ a reyọ ividio vẹ ekuakua efa re vwo ru uyono rẹ ukoko na vwọphia vwo ruiruo?