E Muegbe Avwanre E se Vwo Ghwoghwo Ota kẹ Kohwo Kohwo

Jihova yen koko ihwo rẹ Izrẹl, nonẹna o ji koko ihwo rọyen rere ayen vwo ru ọhọre rọyen. Vwẹ akpọneje, eghọn ukoko, ikinriariẹ, ikoko sansan kugbe ẹko rẹ iruo aghwoghwo vwobọ vwẹ aghwoghwo rẹ iyẹnrẹn esiri na. Avwanre ghwoghwo kẹ kohwo kohwo, ji te ihwo re jẹ ejajẹ efa.—Ẹvwọ. 14:6, 7.

Wo roro kpahen obo wo se vwo yono ejajẹ ọfa rere wọ sa vwọ chọn ohwo ọvo uko vwọ mrẹ uyota na vughe? Ọ da tobọ dianẹ wo vwo ọke wo vwo yono ejajẹ ọfa-a, wọ sa reyọ aplikeshọni rẹ JW Language vwo yono obo wo se vwo ghwoghwo ota. Wọ da reyọ vwo ruiruo vwẹ aghwoghwo na, wọ cha mrẹ ọkpọ aghọghọ ro rhe Inenikristi rẹ ẹgbukpe ujorin rẹsosuọ ọke rẹ ihwo ri nẹ ẹkuotọ efa rhe vwo nyo “ikun rẹ iruo egangan rẹ Ọghẹnẹ” vwẹ ejajẹ robọ rayen.—Iruo 2:7-11.

NI IVIDIO NA DIA UGBEYAN RẸ JIHOVA—GHWOGHWO KẸ IHWO RẸ EPHẸRẸ ỌFA, RERE WỌ KPAHENPHIYỌ ENỌ NANA:

• 

  Ọke vọ wọ sa vwọ reyọ aplikeshọni rẹ JW Language vwo ruiruo?

• 

  Erhọ yen erọnvwọn evo wọ sa mrẹ vwẹ evun rọyen?

• 

  Ejajẹ vọ yen ihwo jẹ vwẹ ekogho wẹn?

• Die yen wo che ru siẹrẹ ohwo ro dje omavwerhovwẹn phia da jẹ ejajẹ ọfa?—od 100-101 ẹko. 39-41