Emiọvwọn, Ovwan Yono Emọ rẹ Ovwan Obo ro Fori nẹ Ayen Riẹn

Avwanre yerẹn vwẹ akpọ ro dje erhuvwu phiyọ umiovwo, umiovwo phiyọ erhuvwu. (Aiz. 5:20) Ọ da ohwo nẹ ihwo evo ru oborẹ Jihova vwo utuoma kpahen, ọnana churobọ si uruemu ra ghẹmrẹ vwẹ uvwre rẹ eshare vẹ eshare yẹrẹ eya vẹ eya. Emọ-isikuru yẹrẹ ihwo efa sa riẹriẹ emọ rẹ avwanre vwọ vwẹrokere ayen. Mavọ wo se vwo muegbe rẹ emọ wẹn vwo phi edavwini tiọyena kparobọ?

Vwẹ irhi ri Jihova vwo muegbe rẹ emọ wẹn phiyotọ. (Liv. 18:3) Vwo nene edje rẹ ayen hepha, yono ayen kpahen oborẹ Baibol na ta kpahen ehware. (Urhi 6:7) Nọ oma wẹn: Mi yono emọ mẹ kpahen oka rẹ ẹguọnọ ro fori nẹ ihwo dje kẹ ayen, ọghanrovwẹ re vwo ku omamọ ewun phiyọ, oboresorọ ihwo vwo jẹ obọ e dje te ẹban rayen yerẹ ayen vwo jẹ ẹban rayen e dje kẹ ihwo efa? Emọ mẹ riẹn oborẹ ayen che ru siẹrẹ ohwo de dje ihoho rẹ ihwo re banphiyọ kẹ ayen yẹrẹ a da vuẹ ayen nẹ ayen ru oborẹ Jihova tare nẹ ọ chọre? E de yono ayen phiyotọ, ọ cha chọn ayen uko vwọ kẹnoma kẹ okpetu. (Isẹ 27:12; Aghwo. 7:12) Ọnana ji che djephia nẹ wo vwo ẹguọnọ kpahen ughwẹ rẹ Jihova vwọ kẹ wẹ na.—Une 127:3.

NI IVIDIO NA BỌN UWEVWIN RỌ CHA TỌN—SẸRO EMỌ WẸN NẸ “OBO RE BRARE,” RERE WỌ KPAHENPHIYỌ ENỌ NANA:

• 

  Diesorọ ọ vwọ bẹn kẹ ihwo evo ayen vwo yono emọ rayen kpahen ehware?

• 

  Diesorọ o vwo fo nẹ emiọvwọn “vwẹ ẹghwọ kuo kugbe uyono rẹ Ọrovwohwo” vwo yono emọ rayen?—Ẹfe. 6:4

• 

  Die yen ukoko ri Jihova vwọphia re sa chọn emiọvwọn uko vwo yono emọ rayen kpahen ehware?—w19.05 12, ekpeti

• Diesorọ o vwo fo nẹ wo nene emọ wẹn ta ota kugbe kọke kọke tavwen ebẹnbẹn ke tobọ vwomaphia?