Vwẹ Ẹro Ọghanghanre Vwo Ni Oyerinkugbe Wẹn vẹ Jihova

Iseri ri Jihova vwo uphẹn rẹ oghẹresan. Kerẹ Inenikristi ri bromaphiyame re, ọkieje yen avwanre vwo ruẹ oyerinkugbe avwanre vẹ Jihova gan. O si avwanre te oma womarẹ Ọmọ rọyen. (Jọn 6:44) O nyo ẹrhovwo rẹ avwanre.—Une 34:15.

Mavọ yen avwanre sa vwọ sẹro rẹ oyerinkugbe avwanre vẹ Jihova? Ofori nẹ avwanre kẹnoma kẹ erharhe rẹ erọnvwọn rẹ ihwo rẹ Izrẹl ruru. Ayen vẹ Jihova ghwa vwọ re ọphọ nu, o kriri-i ayen de ru oma rẹ oro, ayen da ga. (Eyan. 32:7, 8; 1 Kọr. 10:7, 11, 14) Avwanre sa nọ enọ nana: ‘Die yen mi che ru siẹrẹ mi de hirhopharo ku ọdavwini? Iruemu mẹ djerephia nẹ mi ni oyerinkugbe mẹ vẹ Jihova ghanghanre?’ Ẹguọnọ okokodo avwanre vwo kpahen Jihova cha chọn avwanre uko vwọ kẹnoma kẹ obo ro vwo utuoma kpahen.—Une 97:10.

NI IVIDIO NA SẸRO RẸ OYERINKUGBE WẸN VẸ JIHOVA (KỌL. 3:5), RERE WỌ KPAHENPHIYỌ ENỌ NANA:

• Die yen urhurhu evwo?

• Diesorọ o vwo fo nẹ a kẹnoma kẹ urhurhu evwo vẹ ẹdjọẹgọ?

• Mavọ yen igberadja egbe vẹ edjọẹgọ vwo churobọ si ohwohwo?

• Diesorọ o vwo fo nẹ ihwo ri vwo uphẹn rẹ ẹga vwẹ ukoko na vwẹrote ọdavwẹ rẹ eya rayen?