Wọ Hrahra Iyẹnrẹn rẹ Efia-an

Nonẹna, a sa vwẹ evuẹ vwo rhe ihwo kpakpata womarẹ ẹbe ra teyenre, iredio, itẹlivishọni, vẹ intanẹti. Ofori nẹ ihwo re vwẹ ẹga kẹ “Ọghẹnẹ rẹ uyota” hrahra iyẹnrẹn rẹ efia-an, ọ da tobọ dianẹ vwọrẹ jẹriẹn. (Une 31:5; Eyan. 23:1) A da hrahra iyẹnrẹn rẹ efian, ọ sa sua omaẹkuọn rode. Wọ da guọnọ riẹn sẹ iyẹnrẹn na ghini uyota, gba nọ oma wẹn:

• ‘A sa vwẹroso asan rẹ ovuẹ na nurhe?’ Ọ sa dianẹ ohwo rọ ghwa iyẹnrẹn na rhe nabọ riẹn otọ rẹ ota na-a. E brẹba ovuẹ rẹ unutakunu yẹrẹ e siẹ nẹ ayen, ọtiọyena ko fori nẹ a jomaotọ mamọ siẹrẹ a rha riẹn esiri rẹ ovuẹ na-a. Ọ vwọ dianẹ e muọghọ kẹ kemu kemu rẹ ihwo ri vwo uphẹn rẹ ẹga vwẹ ukoko na tare na, ko fori nẹ ayen nabọ jomaotọ rere ayen vwo jẹ evuẹ rẹ efian ẹvwọphia.

• ‘Ovuẹ na che miovwo odẹ rẹ ohwo ọvo?’ Ọ da dianẹ o che miovwo odẹ rẹ ohwo ọvo yẹrẹ ukoko ọvo, o che yovwin e vwo jẹ ẹta.—Isẹ 18:8; Fil. 4:8

• ‘E se se ikuegbe na gbuyota?’ Jomaotọ siẹrẹ wo de nyo ikuegbe rọ pha vwevwerhen

NI IVIDIO NA MAVỌ ME SA VWỌ KẸNOMA KẸ IGUEGUN? RERE WỌ KPAHENPHIYỌ ENỌ NANA:

• 

  Kirobo rẹ Isẹ 12:18 tare, omaẹkuọn vọ yen eta sa so?

• 

  Idjerhe vọ yen Filipae 2:4 sa vwọ chọn avwanre uko vwọ vwẹ aghwanre vwọ ta ota kpahen ihwo efa?

• 

  Die yen ofori nẹ e ru siẹrẹ ihwo da guọnọ ta ota ro je fo kpahen ihwo efa?

• 

  Tavwen avwanre ke ta ota kpahen ihwo, enọ vọ yen ofori nẹ a nọ oma avwanre?