Wo Gbe Nene Otu Buebu-un

23:1-3

Jihova vwẹ orhọesio kẹ iguẹdjọ vẹ ihwo ri soseri nẹ ayen gbe nene otu buebun ri gun efia-an yẹrẹ ayen brorhiẹn rẹ eku-u, ẹkẹvuọvo, orhọesio nana ji shekpahen ẹdia efa vwẹ akpeyeren. Ọkieje yen Inenikristi vwo hirharokuẹ okeke rẹ ayen vwo vwo iroro vẹ iruemu rẹ akpọ na.—Rom 12:2.

Diesorọ ọ vwọ dia emu rẹ ẹkpa re vwo gbe nene otu buebun

• ọke wo de nyo ovuẹ yẹrẹ eta wọ riẹn esiri rọye-en?

• ọke wọ da sane osẹnvwe, oka rẹ eton wo che ru yẹrẹ wo che bru, yẹrẹ erọnvwọn ra vwọ diotọ?

• womarẹ oyerinkugbe wo vwori vẹ ihwo rẹ asan efa, ẹkuotọ efa, yẹrẹ i ri ghwe vwo igho-o?