AKPEYEREN RẸ INENIKRISTI
Omamọ Uruemu vẹ Ọghọ Okokodo te Ubiudu rẹ Ihwo
Omamọ rẹ uruemu rẹ eya re dia Inenikristi sa nẹrhẹ eshare rayen rhiabọreyọ uyota na. Ẹkẹvuọvo, ọnana sa guọnọ akoechiro vwẹ ikpe buebun. (1 Pita 2:21-23; 3:1, 2) Ọ da dianẹ wọ rioja ekueku, davwẹngba wọ vwẹ uyoyovwin vwo phi umwemwu kparobọ. (Rom 12:21) Omamọ uruemu wẹn vwo ẹgba vrẹ eta wẹn.
Davwẹngba wo ni erọnvwọn kerẹ oborẹ ọrivẹ wẹn ji no. (Fil. 2:3, 4) Dje erorokẹ vẹ arodọnvwẹ phia, wo ji ruiruo ro te we. Nabọ kerhọ. (Jems 1:19) Vwo odirin, wo ji dje ẹguọnọ kẹ ọrivẹ wẹn. Ọ da tobọ dianẹ ọrivẹ wẹn dje uruemu esiri vẹ ọghọ kẹ wẹ-ẹ, vwo imuẹro nẹ Jihova ni evun-ẹfuọn wẹn ghanghanre.—1 Pita 2:19, 20.
NI IVIDIO NA JIHOVA KẸ AVWANRE ẸGBA VWO CHIRAKON, RERE WỌ KPAHENPHIYỌ ENỌ NANA:
Mavọ yen erọnvwọn hepha vwọ kẹ Grace Li ọke rọ vwọ rọvwọn obọ?
Die yen nẹrhẹ uyota ri Baibol na sio urhuru?
Mavọ yen Oniọvo Li vwo chirakon rẹ ebẹnbẹn ọke ro vwo bromaphiyame nu?
Die yen Oniọvo Li nẹrhovwo kpahen fikirẹ ọshare rọyen?
Erere vọ yen Oniọvo Li riavwerhen rọyen kidie nẹ o vwo omamọ uruemu vẹ ọghọ okokodo?
Omamọ uruemu vẹ ọghọ okokodo vwo ẹgba mamọ!