Vwẹ Erhiori Hẹrhẹ Ọkieje

Etiyin bro ọke wọ hẹrhẹ Uvie rẹ Ọghẹnẹ re? Wọ vwẹ erhiori hẹrhẹ, dede nẹ uwenre ganre? (Rom 8:25) Inenikristi evo hirharoku utuoma, oshenyẹ, e mu evo phiyọ uwodi yẹrẹ djẹ uguegue rẹ ughwu mu ayen. Efa buebun nene ega yẹrẹ ọghwo muabọ.

Die yen sa vwẹ ukẹcha kẹ avwanre vwọ hẹrhẹ vẹ oruru ọke re de hirharoku ọdavwini? Ofori e vwo ru esegbuyota avwanre gan ọkieje womarẹ isese rẹ Baibol re kẹdẹ kẹdẹ vẹ e vwo roro kokodo kaphen obo re seri. Ofori a vwọ tẹnrovi iphiẹrophiyọ rẹ avwanre. (2 Kọr. 4:16-18; Hib. 12:2) Ofori a vwọ yare Jihova vwẹ ẹrhovwo nẹ ọ kẹ avwanre ẹwẹn ọfuanfon rọyen. (Luk 11:10, 13; Hib. 5:7) Ọsẹ avwanre ro vwo ẹguọnọ na sa chọn avwanre uko vwo vwo erhiori, je “ghọghọ vwẹ evun rẹ oja.”—Kọl. 1:11.

NI IVIDIO NA AVWANRE CHA “VWẸ ERHIORI DJẸ ONẸ” NA—VWO IMUẸRO NẸ WO CHE VWO OSA NA, RERE WỌ KPAHENPHIYỌ ENỌ NANA:

• 

  Ọke vẹ uphẹ” yẹrẹ obo re rhẹro rọye-en vọ yen sa phia vwẹ akpeyeren? (Aghwo. 9:11)

• 

  Mavọ yen ẹrhovwo vwọ chọn avwanre uko vwẹ ọke rẹ edavwini?

• 

  Ọ da dianẹ avwanre rhe se ru obo re ruẹ vwẹ ẹga rẹ Jihova jovwo-o, diesorọ o vwo fo nẹ a tẹnrovi obo re ji se ru?

• 

  Die yen chọn wẹ uko vwo fiudugberi nẹ wo che vwo osa na?