AKPEYEREN RẸ INENIKRISTI
Ru Ona rẹ Aghwoghwo Wẹn Yovwin Phiyọ—Hiẹ Ẹbẹre Sansan rẹ JW.ORG
OBORESORỌ Ọ VWỌ GHANRE: Kọbe kọbe rọhẹ Ekpeti rẹ Uyono rẹ avwanre rionbọ kpo jw.org. Vwọrẹ uyota, e ru ikadi re se vwo kpo jw.org na vẹ itrati rẹ Tivọ Yẹn a da sa Mrẹ Ẹkpahọnphiyọ rẹ Enọ ri Shekpahen Akpeyeren? rere e vwọ reyọ ihwo kpo wẹbsaiti avwanre. Wọ sa reyọ jw.org vwo phi ọbe rọhẹ Ekpeti rẹ Uyono rẹ avwanre phiyọ ada womarẹ wọ vwọ sẹndi rẹ imeli yẹrẹ ilinki rẹ ọbe na vwo rhe ohwo na. Ọnana cha vwẹ ukẹcha phia mamọ siẹrẹ e de ghwoghwota kẹ ohwo rọ jẹ ejajẹ ọfa. Vwọba, ihwo sa nọ enọ, jẹ ọbe rọ kpahen phiyọ enọ rayen na hẹ evunrẹ Ekpeti rẹ Uyono rẹ avwanre-e. Avwanre da riẹn obo ra hiẹ wẹbsaiti na, ka sa nabọ ruiruo aghwoghwo ro fiotọ.
OBO RE CHE RUO WAN:
Reyọ ẹbẹre rẹ “IYONO RẸ BAIBOL” vwo ruiruo. Ọ da dianẹ wo ghwoghwota kẹ ọmiọvwọn rọ guọnọ evuẹ efa kpahen obo ra yọnrọn emọ wan. Kpo IYONO RẸ BAIBOL > ORỌNVWE VẸ ORUA.
Reyọ ẹbẹre rẹ “ẸBE VẸ ERỌNVWỌN EFA” vwo ruiruo. Ọ da dianẹ wo ruẹ aghwoghwo rẹ kpregede vwẹ isikuru, jẹ wọ guọnọ vwẹ ibroshọ rẹ Ẹkpahọnphiyọ rẹ Enọ 10 rẹ Ighene Nọ vwọ kẹ ọmọ rẹ iklasi wẹn. Kpo ẸBE VẸ ERỌNVWỌN EFA >ẸBE VẸ BROSHỌ.
Reyọ ẹbẹre rẹ “KPAHEN AVWANRE” vwo ruiruo. Ọ da dianẹ wo ghwoghwota kẹ ohwo rẹ wẹ vẹ ọyen gba wian kugbe, jẹ ọ guọnọ riẹn kpahen oborẹ avwanre segbuyota. Kpo KPAHEN AVWANRE > ENỌ REDJE ẸNẸNỌ.
NI IVIDIO NA HIẸ ẸBẸRE SANSAN RẸ JW.ORG, RERE WO RORO KPAHEN ẸBẸRE WỌ CHA RA VWẸ WẸBSAITI NA VWỌ KẸ UKẸCHA:
ohwo ro vwo esegbuyota nẹ Ọghẹnẹ herọ-ọ
ohwo rẹ emu ghwa phia kẹ nu
oniọvo aye yẹrẹ ọshare rọ dobọ rẹ iruo rẹ aghwoghwo na ji
orhivwinbrura rọ guọnọ riẹn kpahen asan ra da mrẹ igho vwọ vwẹrote iruo na
ohwo ro nẹ ẹkuotọ ọfa rhe, rọ guọnọ kpo uyono vwẹ ẹkuotọ rọyen