Kẹnoma kẹ Imuoshọ Rehẹ Sosha Nẹtwọk

OBORESORỌ Ọ VWỌ GHANRE: Kerẹ erọnvwọn efa, sosha nẹtwọk sa vwẹ ukẹcha kẹ wẹ yẹrẹ so ukuoma kẹ wẹ. Inenikristi evo brorhiẹn nẹ ayen cha vwẹ sosha nẹtwọk vwo ruiruo-o. Efa reyọ sosha nẹtwọk vwọ vwẹ ovuẹ rhe ihwo rẹ orua vẹ igbeyan rayen. Ẹkẹvuọvo, Idẹbono guọnọ nẹ avwanre reyọ sosha nẹtwọk wo ruiruo vwẹ idjerhe rọ chọre, ọyena se miovwon uruemu avwanre kugbe oyerinkugbe rẹ avwanre vẹ Jihova. Kerẹ Jesu, avwanre sa reyọ Ota rẹ Ọghẹnẹ vwọ riẹn imuoshọ rehẹ sosha nẹtwọk, je kẹnoma kẹ ayen.​—Luk 4:4, 8, 12.

IMUOSHỌ RA KẸNOMA KẸ:

• A vwọ ghwọrọ ọke gan nọ vwẹ sosha nẹtwọk. A vwọ ghwọrọ ọke buebun vwẹ sosha nẹtwọk sa reyọ ọke ro fori nẹ e vwo ru erọnvwọn re vwerhen Jihova oma

  Uchebro rẹ Baibol: Ẹfe. 5:15, 16; Fil. 1:10

• E vwo ni erọnvwọn ri je fo. E vwo ni ihoho ri shephiyọ-ọ sa nẹrhẹ ohwo vwo ẹkuruemu re vwo ni ughe rẹ ihwo re banphiyọ yẹrẹ gbe ọfanrhiẹn. E vwo se eta rẹ ihwo ri she nẹ ukoko na se djobọte esegbuyota rẹ avwanre

  Uchebro rẹ Baibol: Mat. 5:28; Fil. 4:8

• E vwo phi evuẹ yẹrẹ ifoto ri shephiyọ-ọ phiyọ sosha nẹtwọk. Kidie nẹ udu rẹ ohworakpọ vọnre vẹ ophiẹvwe, ohwo se vwo owevwen ro vwo phi evuẹ yẹrẹ ifoto ri shephiyọ-ọ phiyọ sosha nẹtwọk. Ẹkẹvuọvo, ọnana se miovwon odẹ rẹ ohwo yẹrẹ nẹrhẹ esegbuyota rọyen dogho

  Uchebro rẹ Baibol: Rom 14:13; Ẹfe. 4:29

NI IVIDIO NA VWẸ AGHWANRE VWỌ REYỌ SOSHA NẸTWỌK VWO RUIRUO, RERE WO RORO KPAHEN OBORẸ WỌ SA VWỌ KẸNOMA KẸ IDJE NANA: